အသားအရေသိသိသာသာပြောင်းလဲလာစေမယ့် ပါဝင်ပစ္စည်း ၂ မျိုးဆီပဲ လိုအပ်တဲ့ထိန်းသိမ်းနည်း (၁၀) မျိုး

အသားအရေထိန်းသိမ်းတဲ့အခါ ဈေးကြီးတဲ့ ပစ္စည်းတွေမှ သိသာတာ မဟုတ်ပါဘူး။ ကိုယ့်အသားအရေ အမျိုးအစားနဲ့ သင့်တော်တဲ့ ဈေးအသင့်အတင့် Skincare ပစ္စည်းတွေ ရှိရုံနဲ့တင် အဆင်ပြေပါတယ်။ သင့်အသားအရေရဲ့ လိုအပ်မှုကို သိနေဖို့က အရေးကြီးပါတယ်။ ဒီတစ်ခေါက်မှာတော့ အသားအရေ အမျိုးအစားအလိုက် ကိုယ့်အသားအရေကို သိသိသာသာ ကောင်းမွန်လာစေမယ့် အိမ်တွင်း DIY နည်းလမ်းတွေကို ဖော်ပြလိုက်ပါတယ်။

၁။ အသားအရေတောက်ပဖို့

သင်က အသားညိုလို့ အသားအရေ လင်းပြီး တောက်ပချင်သူဆိုရင် ဒီနည်းလမ်းနဲ့ သင့်တော်ပါတယ်။ လိုအပ်တဲ့ပစ္စည်းတွေကတော့- အုန်းဆီ ၂ ဇွန်းနဲ့ ခရမ်းချဉ်သီး ဖျော်ရည် ၁ ဇွန်းတို့ပါ။ ဒီနှစ်မျိုးကို ရောပြီး မျက်နှာပေါ် သုတ်လိမ်းပေးရပါမယ်။

၂။ ဆားဝက်ခြံပျောက်ဖို့

သင့်နှာခေါင်း၊ မေးစေ့တို့ပေါ်မှာ စိတ်ရှုပ်စရာ ဆားဝက်ခြံတွေ ရှိတဲ့အခါ ကျန်းမာတဲ့ အသားအရေကို မပိုင်ဆိုင်စေတော့ပါဘူး။ ဆားဝက်ခြံပျောက်ဖို့အတွက် လိုအပ်တဲ့ အိမ်တွင်း ပစ္စည်းတွေကတော့ – သံပယိုရည် တစ်ဇွန်းနဲ့ ကြက်ဥအကာ တစ်ဇွန်းတို့ပဲ ဖြစ်ပါတယ်။ ဆားဝက်ခြံတွေ ရှိတဲ့နေရာကို လိမ်းပေးရပါမယ်။

၃။ အဆီပြန်တဲ့ အသားအရေအတွက်

အဆီပြန်လွန်းတဲ့ အသားအရေကို ပုံမှန်အသားအရေအတိုင်း ပြန်ဖြစ်စေဖို့ ရှားစောင်းလတ်ပတ် ၂ ဇွန်းနဲ့ နနွင်းမှုန့် ၁ ဇွန်းတို့ကို သုံးန်ိုင်ပါတယ်။ ဒီနှစ်မျိုးကို ရောပြီး အဆီပြန်တဲ့ အသားအရေပေါ် လိမ်းပေးရပါမယ်။

၄။ ကျန်းမာတဲ့ အသားအရေ

ကျန်းမာတဲ့ အသားအရေက အပြစ်ပြောစရာမရှိတဲ့ အသားအရေမျိုးကို ဆိုလိုပါတယ်။ ဒီအသားအရေရဖို့အတွက် လိုအပ်တဲ့ ပစ္စည်းတွေကတော့- အုန်းဆီတစ်ဇွန်းနဲ့ နနွင်းမှုန့် လေးပုံပုံ တစ်ပုံတို့ပဲ ဖြစ်ပါတယ်။

၅။ ငယ်ရွယ်နုပျိုတဲ့ အသားအရေ

Photo Source: Joya.info

ကလေးလေးလို အသားအရေ နုဖတ်ပြီး လှနေဖို့ ကော်ဖီမှုန့် ၂ ဇွန်းနဲ့ ပျားရည် ၂ ဇွန်းကို လိုအပ်ပါတယ်။ ဒီနှစ်မျိုးကို ရောပြီး မျက်နှာမှာ လိမ်းပေးရပါမယ်။

၆။ အသားအရေ တောက်ပဖို့

Photo Source: Organic Authority

Glow Skin ကို ပိုင်ဆိုင်ချင်ရင်တော့ ဒိန်ချဉ် ၂ ဇွန်းနဲ့ သံပယိုရည် ၂ ဇွန်းကို သုံးသင့်ပါတယ်။ ဒီနှစ်မျိုးကို ရောပြီး လိမ်းပေးရပါမယ်။

၇။ ဝက်ခြံသက်သာဖို့

သင်က ဝက်ခြံသက်သာချင်သူဆိုရင်တော့ ဒီအတွက် ရည်ရွယ်ထားတဲ့ Skincare ပစ္စည်းတွေကို သုံးသင့်ပါတယ်။ ဒီလို မသုံးဖြစ်သေးဘူးဆိုရင် သစ်ကြမ်းခေါက်မှုန့် လေးပုံပုံ တစ်ပုံနဲ့ ပျားရည်၂ ဇွန်းကို အသုံးပြုနိုင်ပါတယ်။

၈။ Anti Aging အတွက်

အသက်အရွယ် တစ်ခု ရောက်လာသူတွေအတွက် Anti Aging နည်းလမ်း ဖြစ်တဲ့ ရှားစောင်းလတ်ပတ် ၂ ဇွန်းနဲ့ ကြည်ဥအကာ ၁ ဇွန်းကို သုံးနိုင်ပါတယ်။ ဒီနှစ်မျိုးကို ရောပြီး လိမ်းပေးရပါမယ်။

၉။ ချွေးပေါက်အတွင်းထိ သန့်စင်ပေးဖို့