သင် နာမည်ကျော် မင်းသမီး အချို့ကို အပြင်မှာ မြင်ဖူးမှာပါ။ သူတို့ရဲ့ မျက်နှာအသားအရေနဲ့ စတိုင်က သာမန်လူတွေနဲ့ မတူဘဲ ကွဲထွက်နေတတ်ပါတယ်။ အထူးသဖြင့် အသားအရေက လင်းပြီး ဖြူနေတတ်ပါတယ်။ ဒီတစ်ခေါက်မှာတော့ နာမည်ကျော် မင်းသမီးတွေလို မျက်နှာ အသားအရေဖြူလာစေမယ့် DIY Face Mask တစ်မျိုးကို ဖော်ပြပါရစေ။
ဒီနည်းလမ်းက သင့်အသားအရေကို ဖြူလာစေမယ့်အပြင် အသားအရေ ပို Glow ပြီး ဆားဝက်ခြံတွေကိုပါ သက်သာစေပါလိမ့်မယ်။
DIY Face Mask အတွက် လိုအပ်တဲ့ ပစ္စည်းတွေကတော့-
၁။ ဆန်မှုန့်တစ်ဇွန်း
ဆန်မှုန့်က နေလောင်လို့ ပျက်စီးသွားတဲ့ အသားအရေကို ပြန်လည် ထိန်းသိမ်းပေးတဲ့အပြင် အသားပိုဖြူလာစေပါတယ်။ ဒါ့အပြင် သဘာဝ ချေးချွတ်မှုန့်လည်း ဖြစ်ပါတယ်။
၂။ ကျိတ်ထားတဲ့ ခရမ်းချဉ်သီး အနှစ်
ခရမ်းချဉ်သီးက ဆားဝက်ခြံတွေကို လျော့ပါးစေပါတယ်။ အဆီပြန်တဲ့ အသားအရေ ပိုင်ရှင်တွေနဲ့ သင့်တော်ကာ အသားအရေကို ပို Glow လာစေပါတယ်။ ဆန်မှုန့်လိုပဲ နေလောင်သွားတဲ့ အသားအရေကို ပြန်လည် သက်သာစေပါတယ်။
၃။ ပျားရည်
ပျားရည်ကတော့ ချွေးပေါက်တွေကို သန့်စင်စေပြီး အသားအရေကို စိုပြေလာစေပါတယ်။ ပျားရည်က ခရမ်းချဉ်သီးလိုပဲ အသားအရေကို စိုပြေတောက်ပလာစေပါတယ်။ အရွယ်တင်နုပျိုစေတဲ့ သဘာဝ ပစ္စည်းကလည်း ပျားရည်ပါပဲ။
Photo Source: FreeKaaMaal
ဒီပစ္စည်း သုံးမျိုးကို ခွက်တစ်ခွက်ထဲမှာ ရောမွှေပေးရပါမယ်။ ပြီးနောက် သင့်မျက်နှာပေါ် လိမ်းပေးရပါမယ်။ လိမ်းပြီးနောက် ၁၀ မိနစ် ထားရပါမယ်။ ပြီးရင်တော့ Scrub အပျော့စားနဲ့ မျက်နှာကို ခဏပွတ်ပေးရပါမယ်။ ဒါပြီးနောက် ရေဆေးချနိုင်ပါပြီ။
Photo Source: Pinterest
By MyStyle Myanmar
