မျက်လုံးအောက် အသားအရေက ကျန်တဲ့ အသားအရေ အားလုံးထက် ပိုနူးညံ့ပြီး အထိမခံတာကိုတော့ သင်သိပြီးဖြစ်မှာပါ။ ဒါ့အပြင် အသားခြောက်ရင်လည်း ဒီမျက်လုံးအောက်က အရင်သိသာပါတယ်။ အသားအရေ Glow ဖြစ်ဖို့ မျက်လုံးအောက် အသားအရေပေါ် အဓိက မူတည်နေတဲ့အထိပါပဲ။ မျက်လုံးအောက် အရေးအကြောင်း ဖြစ်နေရင် သင့်မျက်နှာပေါ်က တခြားအရေပြား အစိတ်အပိုင်းတွေ လှနေရင်တောင် ကြည့်လို့ အဆင်မပြေနိုင်ပါဘူး။ ဒါကြောင့်ပဲ မျက်လုံးအောက် အသားအရေကို ဂရုစိုက်နိုင်ဖို့ Eye Cream တွေ ပေါ်လာတာပါ။ သင့်အနေနဲ့ မျက်လုံးအောက် အသားအရေကို Extra Care လုပ်ချင်တယ်ဆိုရင်တော့ အောက်ဖော်ပြပါ DIY နည်းလမ်းတွေကို အသုံးပြုနိုင်ပါတယ်။

၁။ သခွားသီး နည်းလမ်း

Photo source: TikTok

ဒီနည်းလမ်းအတွက် သခွားသီးတစ်လုံးနဲ့ Cotton Pad ကိုပဲ လိုအပ်ပါတယ်။ သခွားသီးက မျက်အိတ်ဖောင်းတာကို သက်သာစေပြီး အရောင်အရမ်း ကျစေပါတယ်။ ဒါ့အပြင် မျက်လုံးအောက် အသားအရေကို ပိုအေးမြစေကာ ပိုစိုပြေစေပါလိမ့်မယ်။ ပြုလုပ်နည်းကတော့ သခွားသီးကို ခြစ်စက်နဲ့ ခြစ်ပေးရပါမယ်။ ပြီးနောက် ဒီထဲကို တစ်ဝက်ဖြဲထားတဲ့ Cotton Pad တစ်ရွက် စိမ်ပေးရပါမယ်။ စိမ်ပြီးနောက် သင့်မျက်လုံးပေါ် ကပ်နိုင်ပါပြီ။

၂။ မျက်လုံးအောက်က အသားအရေ တောက်ပဖို့

Photo Source: Pinterest

သင့်မျက်လုံးအောက် အသားအရေကို ကြည်လင်ပြီး တောက်ပစေချင်တယ်ဆိုရင်တော့ အခုပြောမယ့် နည်းလမ်းကို သုံးသင့်ပါတယ်။ လိုအပ်တဲ့ ပစ္စည်းတွေကတော့- နနွင်းမှုန့်တစ်ဇွန်းနဲ့ ပျားရည် အနည်းငယ်၊ နွားနို့တို့ပဲ ဖြစ်ပါတယ်။ နနွင်းမှုန့်နဲ့ ပျားရည်ကို ရောမွှေပြီးနောက် နွားနို့ထပ်ထည့်ပေးရပါမယ်။ ပြီးနောက် Cotton Pad ကို တစ်ခြမ်း ခြမ်းကာ အရည်ထဲ နှစ်ပေးရပါမယ်။ ဒီ Pad ကို သင့်မျက်လုံးပေါ်ကပ်ကာ ၁၀ မိနစ်ကနေ ၁၅ မိနစ် ထားပေးရပါမယ်။ ပြီးရင်တော့ ရေဆေးချနိုင်ပါပြီ။

၃။ မျက်ကွင်းညိုတာအတွက်

Photo Source: Beauty Tips by Nim

မျက်ကွင်းညိုတာအတွက် ထိရောက်တဲ့ ပစ္စည်းတစ်မျိုးကတော့ ကော်ဖီပါ။ ဖျော်ထားတဲ့ ကော်ဖီအရေကို ခွက်တစ်ခွက်ထဲ ထည့်ပေးရပါမယ်။ ဒီထဲကို ရှားစောင်းလတ်ပတ်ဂျယ် အနည်းငယ် ထပ်ထည့်ရပါမယ်။ ပြီးနောက် နွားနို့ထပ်ရောရပါမယ်။ ဒီအရောကို Ice Cube Tray ထဲ ထည့်ပေးရပါမယ်။ ထည့်ပြီးနောက် ရေခဲအတုံး ဖြစ်အောင် ထားကာ ရေခဲတုံးရတာနဲ့ သင့်မျက်လုံးအောက်မှာ ပွတ်ပေးနိုင်ပါပြီ။

By MyStyle Myanmar