အခုလိုပူအိုက်စပ်တဲ့ရာသီမှာ ပိုပြီးတွေ့ကြုံရလေ့ရှိတဲ့ ချွေးအနံ့နံတာတွေ ချိုင်းချွေး မတရားထွက်ပြီး အနံ့ပြင်းတာတွေကို ဘယ်လိုဖြေရှင်းရမလဲဆိုပြီး အခက်တွေ့နေတဲ့သူတွေအတွက် ဒီအကြောင်းအရာလေးကို ဝေမျှပေးချင်ပါတယ်။ သဘာဝနည်းလမ်းနဲ့ ချိုင်းချွေးနံ့သက်သာပျောက်ကင်းစေတဲ့ ချွေးနံ့ပြယ်တဲ့ Deodorant စပရေးတွေ၊ အရည်တွေဟာ ကမ္ဘာပေါ်မှာ တဖြည်းဖြည်းနဲ့ ရေပန်းစားလာတယ်ဆိုတာ အားလုံးသိပြီးသားဖြစ်မှာပါ။ ဘယ်လိုပဲ့ အသင့်သုံးချိုင်းချွေးနံ့ပျောက်တဲ့ Deodorant စပရေးတွေပေါပါစေ ချိုင်းချွေးနံ့ဆိုးတွေကို သိသိသာသာသက်သာပျောက်ကင်းစေဖို့အတွက် သဘာဝနည်းလမ်းကတော့ အကောင်းဆုံးပါပဲနော်…
ရှားစောင်းလက်ပက်နဲ့ သံပုယိုသီး
ပါဝင်ပစ္စည်း
ရှားစောင်းလက်ပက် စားပွဲတင်ဇွန်း ၃ ဇွန်း
သံပုယိုရည် စားပွဲတင်ဇွန်း ၂ ဇွန်း
နှင်းဆီးရေ စားပွဲတင်ဇွန်း ၃ ဇွန်း
Glycerin အရည် လက်ဖက်ရည်ဇွန်း ၁ ဇွန်း
လက်ဖက်ပင်ကရတဲ့အဆီ လက်ဖက်ရည်ဇွန်း ဇွန်း
အဖုံးပါတဲ့ ဘူး (သို့) စပရေးဘူးအလွတ်တစ်ဘူး။
ပြင်ဆင်ခြင်း
ဘူးထဲကို ရှားစောင်းလက်ပက်နဲပ သံပုယိုရည်ထည့်လိုက်ပြီး သေချာရောအောင်လုပ်လိုက်ပါ။ ပြီးရင် နှင်းဆီရေ၊ Glycerin နဲ့ လက်ဖက်ဆီထည့်လိုက်ပါ။ သေချာလှုပ်ခါပေးလိုက်ပါ။ အဲဒီအရည်ကို တစ်နေ့ ၂ ကြိမ်လိမ်းပေးပါ။
Citrus အသီးတွေနဲ့ ဆား
Citrus ဆိုတဲ့ အသီးအမျိုးအစားအုပ်စုထဲမှာပါတဲ့ သံပုရာသီး လိမ္မော်သီး အပါအဝင် ဆားနဲ့ ချိုင်းအောက်မှာရှိတဲ့ ဘက်တီးရီးယားတွေကို တိုက်ထုတ်လိုက်ရအောင်ပါ။
ပါဝင်ပစ္စည်း
လိမ္မော်သီး ၁ လုံး
သံပုရာသီး ၁ လုံး
ရေ ၂ ခွက်
ဆား ခွက်တစ်ဝက်
အဖုံးပါပြီး ဖြန်းလို့ရတဲ့ စပရေးဘူးအလွတ်တစ်ဘူး။ (သို့) အဖုံးပါတဲ့ ဘူးအလွတ်တစ်ဘူး။
ပြင်ဆင်ခြင်း
လိမ္မော်သီးနဲ့ သံပုရာသီးကို အခွံခွာလိုက်ပါ။ ပြီးရင် အိုးတစ်လုံးထဲမှာ ရေထည့်ပြီး လိမ္မော်ခွံနဲ့ သံပုရာခွံကိုထည့်လိုက်ပါ။ ပြီးရင် ပွက်ပွက်ဆူအောင်သည်ပါ။ ဆူလာပြီဆိုရင် မီးဖိုပေါ်ကချပြီး အအေးခံထားပါ။ ပြီးရင် ဆားထည့်လိုက်ပါ။ အဲဒါကို ဘူးထဲထည့်လိုက်ပြီး ဘူးကို လှုပ်ခါလိုက်ပါ။ စပရေးဘူးကိုဖြန်းနိုင်သလို ဝါဂွမ်းစနဲ့တို့ပြီးလည်း လိမ်းပေးနိုင်ပါတယ်။
