သင်ကိုယ်တိုင် လိုက်ထားနိုင်မယ့် ထိုင်းသမီး Davika ရဲ့ ကြည့်မဝနိုင်တဲ့ ဆံပင်စတိုင်များ

Davika ရဲ့ အလှက ထူးခြားပြီး ထင်းထွက်နေတာမျိုးပါ။ သူမက အသက် ၂၉ နှစ်အရွယ်အထိ သွယ်သွယ်လျလျ ခန္ဓာကိုယ် အချိုးအစားကို ထိန်းထားနိုင်သူပါ။ ဒါ့အပြင် အသားအရေကလည်း မိန်းကလေးတိုင်း လိုချင်တဲ့ Dream Skin မျိုးကို ပိုင်ဆိုင်ထားသူပါ။ သူမက ဆံပင်စတိုင်အမျိုးမျိုးလည်း ထားတတ်ပါသေးတယ်။ဒီတစ်ခေါက်မှာတော့ သင်ကိုယ်တိုင် လိုက်ထားနိုင်မယ့် Davika ရဲ့ ဆံပင်ပုံစံတွေကို ဖော်ပြပါရစေ။

ဆံပင်အတို

ဆံပင်အတိုကိုမှ ဂုတ်ထောက် ဆံပင်ကေက Davika ရဲ့ Signature လို့ ပြောလို့ရပါတယ်။ ဒီဆံပင်စတိုင်က ပေါ့ပေါ့ပါးပါး နေရတာ ကြိုက်တဲ့ ပျိုမေတို့နဲ့ လိုက်ဖက်မှာပါ။

ဆံပင်လှိုင်းတွန့်

ဆံပင်အကောက်ကိုမှ ပြေပြေလေး ကောက်ထားတာကလည်း သူမနဲ့ အလိုက်ဖက်ဆုံး ဖြစ်နေပြန်ပါတယ်။ ဒီလိုဆံပင်ပုံစံလေးရဖို့ Heatless နည်းနဲ့ ပြုလုပ်နိုင်သလို အပူချောင်းနဲ့ ပြေပြေလေး လိပ်နိုင်ပါတယ်။

အတိုအကောက်

ဆံပင်အတိုကိုမှ ရိုးရိုးလေး မလိုချင်ဘူးဆိုရင် Davika လို ကောက်နိုင်ပါတယ်။ ဆံပင်အတို အကောက်က သင့်ကို ပိုပြီး မိန်းကလေးဆန်စေပါတယ်။

ရှေ့ဆံမြိတ်ချတာ

မင်းသမီး Davika က ဆံပင်ကို နဖူးအရှင်း ထားတဲ့အပြင် Bang ချတာမျိုးလည်း လုပ်တတ်ပါသေးတယ်။ Bang နဲ့ လိုက်ဖက်တဲ့ ဆံပင်စတိုင်တွေကတော့ အတိုနဲ့ ဆံပင် လှိုင်းကောက်အရှည်လေးတွေ ဖြစ်ပါတယ်။

ဆံပင်အဖြောင့်

Pee Mak ဇာတ်လမ်းထဲက ဆံပင်အဖြောင့်နဲ့ Nak ကို ရုပ်ရှင်ကြိုက်ပရိတ်သတ်တိုင်း မေ့မှာ မဟုတ်ပါဘူး။ Nak အနေနဲ့ သရုပ်ဆောင်ခဲ့တဲ့ Davika က ဆံပင်အဖြောင့်နဲ့လည်း လှနေပြန်ပါတယ်။