ဖက်ရှင်သမိုင်းမှာ နာမည်တွင်ခဲ့တဲ့ အဟော့အလန်း ပွဲတက်ဝတ်စုံများ

ဖက်ရှင်နဲ့ပတ်သက်လာရင် အတိုင်းအဆဆိုတာရယ်လို့ မရှိပါဘူး။ ကိုယ်ထွင်ရင်ထွင်နိုင်သလို Trend တစ်ခုရယ်တောင်ဖြစ်လာနိုင်လို့ တစ်ခါတစ်လေဆို အနုပညာရှင်တွေက မမျှော်လင့်ထားတဲ့ အရောင်ကာလာတွေနဲ့ ဖက်ရှင်ဒီဇိုင်းတွေဝတ်ပြီးတော့ လူထုကို အံ့အားသင့်စေခဲ့တဲ့ အခိုက်အတန့်မျိုးတွေလည်း ရှိပါတယ်။

ဥပမာပြောရရင် ၂၀၀၀ ခုနှစ်တုန်းက ဂရမ်မီပွဲက Jennifer Lopez ရဲ့ အစိမ်းရောင် Dress ကိုသာ ပြေးမြင်ကြည့်လိုက်ပါ။ ဒီဝတ်စုံရဲ့အလှတရားကို ချီးမွမ်းဖို့အတွက် စကားလုံးတွေမြောက်မြားစွာ ထွက်ပေါ်လာခဲ့တဲ့အထဲကမှ “Daring” ဆိုတဲ့ စကားလုံးလည်း ပါဝင်ခဲ့ပါတယ်။

ကဲ..ဒါဆို တခြားဘယ်အနုပညာရှင်မင်းသမီးတွေကရော ဖက်ရှင်သမိုင်းတစ်လျှောက် ဘယ်လို အလန်းတကာ့အလန်းစား ဖက်ရှင်တွေကို ဝတ်ဆင်ခဲ့သလဲဆိုတာ အခုပဲကြည့်လိုက်ရအောင်ပါ။

၁။ ၁၉၉၆ ခုနှစ်က Met Gala ပွဲကိုတက်ရောက်ခဲ့တဲ့ တော်ဝင်မင်းသမီး ဒိုင်ယာနာရဲ့ ပိုးသားကြိုးတစ်ချောင်းဂါဝန်ရှည်