လက်သည်းပုံဖာ်ရတာဝါသနာပါတဲ့ ပျိုမေတို့အတွက် ဒီတစ်ခါမှာတော့ ဆန်းဆန်းလေးဖြစ်သွားအောင် သစ်သီးပုံလက်သည်းဒီဇိုင်းတွေကို မျှဝေပေးချင်ပါတယ်။ သစ်သီးပုံလေးတွေက ပုံဖော်တဲ့သူလည်း သိပ်မရှိဘူးဆိုတော့ သူများနဲ့မတူတာမျိုးကြိုက်ရင် ပုံဖော်သင့်တယ်နော်။ အရမ်းလည်းချစ်စရာကောင်းလို့ ပျိုမေတို့အကြိုက်တွေ့မှာ သေချာပါတယ်။
စတော်ဘယ်ရီပုံလေးကိုမှ တစ်မျိုးစီမတူအောင် ပုံဖော်ထားတာက ကြည့်ရတာလည်းမရှုပ်ပဲ ချစ်စရာကောင်းပါတယ်။
ဒါကတော့ စတော်ဘယ်ရီပုံလေးပေမယ့် အပေါ်ပုံနဲ့မတူပဲ နည်းနည်းပိုပြီး ရိုးရှင်းတာပေါ့။
ချယ်ရီသီးလေးတွေကို လက်သည်းနီအဖြူပေါ်မှာ ပုံဖော်ထားတာဖြစ်လို့ ရိုးရိုးလေးနဲ့ အရမ်းလှပါတယ်။
နာနတ်သီးပုံဖော်ထားပေမယ့် အရောင်ကိုအဝါအကုန်မဆိုးပဲ မိုးပြာလေးဆိုးထားတာမို့ လူငယ်ဆန်ပြီး ချစ်စရာကောင်းပါတယ်။
လိမ္မော်သီး (သို့) ဆန်းကစ်ပုံလေးကို ပုံဖော်ထားတာကလည်း လိမ္မော်ရောင်လေးဆိုတော့ လင်းပြီး ချစ်စရာကောင်းတယ်။ လက်လည်း ပိုပေါ်လွင်စေတယ်။
ဒါကတော့ ဖရဲသီးပုံကိုမှ လုံးဝကြည့်ရမဆိုးပဲ ချစ်စရာကောင်းအောင် ပုံဖော်ထားတာပါ။
လက်သည်းနီအကြည်လေးပေါ်မှာမှ မက်မွန်သီးပုံလေး ပုံဖော်ထားတာ ချစ်စရာကောင်းတယ်နော်။
ဒါကတော့ ဆန်းကစ်သီးကို လိမ္မော်မကျ၊ အဝါမကျကာလာလေးနဲ့ ပုံဖော်ထားတာမို့ တစ်မျိုးလေးဆန်းသစ်စေပါတယ်။
Photo Source: www.pinterest.com
