အားလုံးပဲ့့ မင်္ဂလာပါနော်။ ဒီနေ့မှာတော့ My Style Myanmarရဲ့ အမာခံစာဖတ်ပရိတ်သတ်တွေထဲမှာမှ ကျောင်းတက်နေတဲ့ ငယ်ငယ်ရွယ်ရွယ်ညီမလေးတွေအတွက် အဓိကထား ပြောပြပေးချင်ပါတယ်။ ငယ်ရွယ်ပြီး ချစ်ဖို့ကောင်းတဲ့ညီမလေးတွေနဲ့ လိုက်ဖက်ပြီး ပိုပြီးချစ်ဖို့ကောင်းနေစေမယ့် ဆံပင်ပုံစံလေးတွေကို မျှဝေပေးလိုက်ပါတယ်နော်…
၁။ ရှင်းရှင်းလေးနဲ့ ချစ်ဖို့ကောင်းနေစေဖို့ ဆံပင်ခပ်မြင့်မြင့်စည်းပါ
ဒီဆံပင်ပုံစံလေးက ချစ်စရာလည်းကောင်းပြီး ဆံပင်ရှုပ်တာလည်း သက်သာတယ်နော်။
၂။ အထာကျ မိမိုက်နေစေမယ့် ဆံပင်အတိုလေးတွေ
ဆံပင်ကို တိုတိုကပ်ကပ်လေးညှပ်ပေးတာဟာ ပိုပြီးလူငယ်ဆန်စေပါတယ်။
၃။ ရိုးရှင်းပြီး ချစ်ဖို့ကောင်းနေစေမယ့် ဆံပင်ရှည်ရှည် ကောက်ကောက်လေး
ဒါကတော့ တက္ကသိုလ်ကျောင်းသူလေးတွေနဲ့ ပိုပြီးလိုက်ဖက်မယ်နော်။ Wavy ဆံပင်ကောက်ကောက်လေးက ဆွဲဆောင်မှုတစ်မျိုးရှိစေမှာပါ။
၄။ ချစ်ဖို့ကောင်းတဲ့ ဒီလိုဆံထုံးလေးတွေ ထုံးကြမယ်
ဆံပင်ကို အပေါ်ခပ်မြင့်မြင့်လေးမှာ ဆံထုံးထုံးပေးလိုက်တာဟာလည်း တက္ကသိုလ်ကျောင်းသူလေးတွေနဲ့ လိုက်ဖက်လှပါတယ်။
၅။ လူငယ်ဆန်ဆန်ကျစ်ဆံမြီးလှလှလေးတွေ ကျစ်မယ်
ရိုးရိုးကျစ်ဆံမြီးပဲဖြစ်ဖြစ် အသားကပ်ကျစ်ဆံမြီးပဲဖြစ်ဖြစ် ကျစ်ပေးပါ။ သင့်ကို လူငယ်ဆန်စေသလို ဆွဲဆောင်မှုရှိစေပါတယ်။
Photo Source: Pinterest
