မင်္ဂလာပါ MyStyle ပရိသတ်ကြီးရေ.. ဒီနေ့မှာတော့ အခုထုတ်လွှင့်နေဆဲဖြစ်တဲ့ လူငယ်ဆန်ဆန် Romance ကားလေးဖြစ်တဲ့  Record of Youth ရဲ့ မင်းသမီးလေး Park So Dam ရဲ့ ဖက်ရှင်လေးတွေကို ဝေမျှပေးချင်ပါတယ်နော်။ နောက်ပြီး ခွဲစိတ်တာတွေ အရမ်းခေတ်စားနေတဲ့ တောင်ကိုရီးယားလို နိုင်ငံမျိုးမှာ ခွဲစိတ်ပြုပြင်ခြင်းမရှိတဲ့ မင်းသမီးတစ်ဦးကို ပြောပါဆိုရင် Park So Dam ကိုတော့ ချန်ထားလို့ရမယ်မထင်ပါဘူးနော်။

သူမကတော့ သူမရဲ့ ရုပ်ရည်ကို အပြည့်အဝကျေနပ်ပြီး ခွဲစိတ်ပြုပြင်ဖို့ မလိုတဲ့အကြောင်းနဲ့ ခွဲစိတ်ပြုပြင်ရင်လည်း အခုလို သဘာဝ မျက်နှာမျိုးရမှာမဟုတ်တဲ့အကြောင်း ပြောခဲ့ဖူးပါတယ်။

Park So Dam ကို ၁၉၉၁ ခုနှစ် စက်တင်ဘာလ ၈ ရက်နေ့က မွေးဖွားခဲ့တာဖြစ်ပါတယ်။ အရပ်အမြင့်ကတော့ ၁.၆၅ မီတာ ( ၅ ပေ ၄.၉လက်မ) ရှိပါတယ်။ ကိုရီးယား အမျိုးသားအနုပညာတက္ကသိုလ်မှ ကျောင်းပြီးထားသူတစ်ဦးဖြစ်ပါတယ်။

သရုပ်ဆောင်လည်းကောင်းပြီး ချစ်စရာကောင်းတဲ့ မင်းသမီးတစ်ဦးဆိုရင်လည်း မမှားပါဘူး။ သူမကို ၂၀၁၅ ခုနှစ်ကထွက်ခဲ့တဲ့ The Priest၊ Because It’s the First Time, Cinderella with Four Knights, Parasite စတဲ့ ဇာတ်လမ်းတွဲတွေမှာလူသိများလာခဲ့ပါတယ်။

၂၀၁၆ ခုနှစ်မှာ BaekSang အနုပညာဆုပေးပွဲရဲ့ အကောင်းဆုံးတက်သစ်စ သရုပ်ဆောင်ဆုနဲ့ Blue Dragon ရုပ်ရှင်ဆုပေးပွဲမှာ အကောင်းဆုံး ဇာတ်ပို့ဆုရရှိခဲ့သူဖြစ်ပါတယ်။

ရုပ်ရှင်ကားတွေရော ဇာတ်လမ်းတွဲတွေရော အများအပြားကို ရိုက်ကူးနေသူလည်းဖြစ်ပါတယ်နော်။

ဒီတခါမှာတော့ ချစ်စရာကောင်းတဲ့ Park So Dam ရဲ့ ဖက်ရှင်ကျကျ ချစ်စရာကောင်းနေတဲ့ ဖက်ရှင်လေးတွေကို ဖော်ပြပေးလိုက်ပါတယ်နော်..














Photo Source; Pinterest