Kpop သီချင်းချစ်သူတို့ အားလုံးပဲမင်္ဂလာပါနော်။ ၂၀၂၂ ခုနှစ်ထဲဝင်တာ သိပ်မကြာသေးပေမယ့် Idol အနုပညာရှင်များစွာရဲ့ Kpop သီချင်းသစ်တွေကတော့ အပြိုင်အဆိုင်နဲ့ ဝေဝေဆာဆာထွက်ရှိလာတာကို ပရိသတ်တွေ မျက်မြင်တွေ့ပြီးဖြစ်ကြမှာပါ။ ဒီနှစ်မှာ တက်သစ်စ Idol အဖွဲ့သစ်များစွာကလည်း ပွဲဦးထွက်လာခဲ့ပြီဖြစ်သလို သူတို့ရဲ့ထွက်ရှိထားတဲ့ သီချင်းတွေဟာဆိုရင်လည်း Spotify လိုအသုံးများတဲ့ သီချင်း Stream Platform တွေမှာ နားဆင်သူပရိသတ်တွေ များလာတာကိုလည်း တွေ့ရပါတယ်။

ဒါကြောင့် ဒီတစ်ခေါက်မှာ အသစ်ထွက်တဲ့ သီချင်းကောင်းလေးတွေ နားဆင်ကြည့်ချင်တဲ့ ပရိသတ်တွေပါ အကြိုက်တွေ့စေမယ့် ဒီနှစ်အတွင်းထွက်ရှိထားတဲ့ သီချင်းတွေထဲက Spotify မှာနားဆင်မှုအမြင့်ဆုံး ဖြစ်ကြတဲ့ သီချင်းသစ် (၁၁) ပုဒ်ကိုဖော်ပြပေးလိုက်ရပါတယ်။ ကိုယ်မသိသေးတဲ့သီချင်း၊ ဒါမှမဟုတ် နားထောင်နေကျ သီချင်းလေးတွေပါလာမလား စိတ်ဝင်စားရင် ဆက်ကြည့်လိုက်ရအောင်နော်-

1. “WA DA DA” – Kep1er

အမျိုးသမီးလူငယ် Idol အဖွဲ့သစ် Kep1er ရဲ့ “WA DA DA” သီချင်းကအခုနှစ်ရဲ့ Spotify Stream အရေအတွက်ပေါင်း 30.5 Million နဲ့နားဆင်မှုအများဆုံးအဖြစ် ရပ်တည်နေပါတယ်။

2. “Polaroid Love” – ENHYPEN

တစ်လပိုင်း (၁၀) ရက်နေ့ကမှ ထွက်ရှိခဲ့တဲ့ ENHYPEN ရဲ့ “Polaroid Love” သီချင်းကလည်း လတ်တလောလူငယ်တွေကြား အရမ်းကို ရေပန်းစားနေပြီး Stream ပေါင်း 25.2 Million နဲ့ဒုတိယနေရာမှာရှိနေပါတယ်။

3. “Step Back” – GOT the Beat

GOT the Beat ရဲ့အမိုက်စား “Step Back” သီချင်းကဟာဆိုရင်တော့ လတ်တလောမှာ နားဆင်သူပေါင်း 25 Million အထိရှိထားပြီပဲဖြစ်ပါတယ်။

4. “Blessed-Cursed” – ENHYPEN

နောက်ထပ် ENHYPEN အဖွဲ့ရဲ့ “Blessed-Cursed” သီချင်းကလည်း Stream အရေအတွက် 15.2 Million အထိရှိနေတာဖြစ်ပါတယ်နော်။

5. “Can’t Control Myself” – Taeyeon

Taeyeon ရဲ့“Can’t Control Myself” ဆိုတဲ့ စိတ်ထွက်ပေါက်ဖြစ်စေတဲ့ အသည်းကွဲသီချင်းလေးကလည်း လတ်တလောမှာ 6.12 Million အထိရှိလာပြီပဲဖြစ်ပါတယ်။

6. “Smiley” – Yena ft. BIBI

Yena နဲ့ BIBI တို့အတွဲညီညီဆိုထားတဲ့ ဒီသီချင်းလေးကတော့ Stream ပေါင်း 5.16 အထိရှိပြီး No.6 နေရာရောက်နေတာကို တွေ့ရပါတယ်။

7. “DM” – fromis_9

fromis_9 ရဲ့ “DM” သီချင်းကတော့လက်ရှိမှာ 4.84 Million အထိရှိလာပါပြီ။

8. “Ruby” – Woozi

SEVENTEEN အဖွဲ့ဝင် Woozi ရဲ့ “Ruby” သီချင်းလေးကတော့ 4.51 Million ရှိပြီး No.8 နေရာရောက်နေပြီပဲဖြစ်ပါတယ်။

9. “Weapon” – ITZY ft. Newnion FLOOR

4.41 Million အထိ Stream ရရှိထားတဲ့ သီချင်းကတော့ ITZY အဖွဲ့ရဲ့ “Weapon” ပဲဖြစ်ပါတယ်။

10. “MVSK” – Kep1er

Kep1er ရဲ့ နောက်ထပ်သီချင်းတစ်ပုဒ်ဖြစ်တဲ့ “MVSK” က လက်ရှိမှာ Stream ပေါင်း 3.96 Million နဲ့ Top 10 ဝင်နေတာပဲဖြစ်ပါတယ်နော်။

11. “Wishes” – Jamie Miller

No.11 ကတော့ Jamie Miller ရဲ့ “Wishes” သီချင်းပါ။ နားဆင်မှုပေါင်း 3.65 Million အထိရှိနေတာဖြစ်ပြီး နာမည်ကြီး Snowdrop ဇာတ်လမ်းတွဲရဲ့ဇာတ်ဝင်တေးတစ်ပုဒ်ဆိုရင်လည်း မမှားပါဘူး။

Source: koreaboo