Clear Skin က မိန်းကလေးတိုင်း လိုချင်တဲ့ အသားအရေပါ။ အသားအရေကို ပုံမှန် ထိန်းသိမ်းပေးပြီး အချိန်ကြာလာတဲ့အခါ အသားအရေ နဂိုထက် ကြည်လင်လာမှာ မလဲမသွေပါပဲ။ သင်က သဘာဝ Mask ကို ပြုလုပ်ချင်တယ်ဆိုရင် သခွားသီးက မပါမဖြစ်ပါပဲ။ သခွားသီးကပ်တာကိုတော့ ပျိုမေအများစု လုပ်ဖူးမှာပါ။
ဒီ Mask အတွက် အဓိက လိုအပ်တဲ့ပစ္စည်းတွေကတော့-
၁။ သခွားသီး
Photo Source: More Bees
သခွားသီးက မျက်နှာ အမည်းစက်ကို လျှော့ချပေးပါတယ်။ ဝက်ခြံ ဖြစ်တာ လျော့ပါးစေပြီး မျက်နှာ ယောင်ယမ်းတာ သက်သာစေပါတယ်။
၂။ ဒိန်ချဉ်
Photo Source: Organic Authority
ဒိန်ချဉ်က အစက်အပြောက်တွေကို နည်းပါးစေပါတယ်။ အသားအရေကို စိုပြေစေပါတယ်။
၃။ ပျားရည်
Photo Source: Pinterest
ပျားရည်က အသားအရေကို ကြည်လင် ဝင်းပစေပါတယ်။ ဖုန်နဲ့ ဘတ်တီးရီးယားတွေကို ဖယ်ရှားပေးပါတယ်။
ပြုလုပ်ပုံ
- သခွားသီးကို အရင် ကျိတ်ပေးရပါမယ်။
- ပြီးနောက် ကျိတ်ထားတဲ့ သခွားသီးထဲကို ဒိန်ချဉ်တစ်ဇွန်းနဲ့ ပျားရည်တစ်ဇွန်း ထည့်ပေးရပါမယ်။
- ပါဝင်ပစ္စည်းတွေကို ရောမွှေပေးရပါမယ်။
- ဒါကို မျက်နှာပေါ် လိမ်းပြီးနောက် ၁၀ မိနစ်ကနေ ၁၅ မိနစ် ထားပေးရပါမယ်။
- ပြီးနောက် ရေဆေးချနိုင်ပါပြီ။
အသားအရေ ဓာတ်တည့်မှု ရှိမရှိ သိနိုင်ဖို့
အသားအရေနဲ့ တည့်မတည့် သိချင်တယ်ဆိုရင်တော့ လက်မောင်းပေါ် လိမ်းပြီး ၅ မိနစ်ထားပေးနိုင်ပါတယ်။ အသားအရေ ဓာတ်မတည့်မှု မရှိရင် သုံးနိုင်ပါတယ်။
Photo Source: Pinterest
By MyStyle Myanmar
