ပင်လယ်ပြင်က တိုက်ခတ်လာတဲ့ ပင်လယ်လေက မြို့ကြီးပြကြီးတွေမှာ တိုက်ခတ်တဲ့လေနဲ့ မတူဘဲ သန့်ရှင်းလတ်ဆတ်ပြီး ကျန်းမာရေးနဲ့ ညီညွတ်ပါတယ်။ ညနေခင်း နေဝင်ဆည်းဆာကလည်း လှပလွန်းလှတာကြောင့် ကြည်ရှူခံစားသူရဲ့ စိတ်နှလုံးကို လွမ်းမောတသဖွယ်ခံစားချက်များ ပေးစွမ်းနိုင်ပါသေးတယ်။

သင့်အနေနဲ့ ပင်လယ်ကမ်းခြေဆီ ခြေဦးဆန့်ပြီး ခရီးသွားမယ်လို့ ဆုံးဖြတ်ထားရင်တော့ မရှိမဖြစ် သယ်သွားရမယ့် အသုံးအဆောင်ပစ္စည်းတချို့လည်း ရှိပါသေးတယ်။ ပါဝါဘန့်ခ်ကတော့ လျှပ်စစ်မီး မရခဲ့ရင် အလွယ်တကူအားသွင်းဖို့အတွက် ဆောင်ထားသင့်ပြီး နေကာမျက်မှန်၊ နေလောင်ကာခရင်မ်ကတော့ သင့်ရဲ့ဖက်ရှင်အတွက်ရော ကျန်းမာရေးအတွက်ပါ မဖြစ်မနေယူသွားသင့်ပါတယ်။

ဒါ့အပြင် သင်က ဖက်ရှင်ကို စိတ်ဝင်စားတဲ့သူ တစ်ယောက်ဆိုရင်တော့ ကမ်းခြေဆီ ခရီးမထွက်ခင်မှာ ကမ်းခြေဖက်ရှင်များအကြောင်းကို တစေ့တစောင်း လေ့လာကြည့်သင့်ပါတယ်။ ဒါမှ ကမ်းခြေဆီ ရောက်သွားတဲ့အခါ သင့်ရဲ့ဖက်ရှင်က ကို့ရိုးကားယားကြီးဖြစ်မနေဘဲ ဖက်ရှင်ကျပြီး ဆွဲဆောင်မှုရှိတဲ့သူ တစ်ယောက်ဖြစ်နေမှာပါ။

အဆင်သင့်ဖြစ်ပြီဆိုရင်တော့ ကမ်းခြေမှာ ဘယ်လိုဖက်ရှင်နဲ့ စတိုင်လ်ကျနိုင်မလဲဆိုတာကို ဆက်လေ့လာကြည့်လိုက်ရအောင်။

Source: Pinterest.com