လေ့ကျင့်ခန်းလုပ်ပြီးနောက် မဖြစ်မနေလုပ်ရမယ့် 7 မိနစ်စာအကြောလျှော့လေ့ကျင့်ခန်း (၈) ခု

သင်က လေ့ကျင့်ခန်းလုပ်နေကျ မိန်းကလေးတစ်ယောက်ဆိုရင် Cool Down, Full Body Stretch Exercise တွေနဲ့စိမ်းမှာ မဟုတ်ပါဘူး။ လေ့ကျင့်ခန်း မလုပ်ခင် သွေးပူလေ့ကျင့်ခန်း လုပ်ဖို့ လိုသလို လုပ်ပြီးနောက်လည်း အကြောလျှော့လေ့ကျင့်ခန်း လုပ်ပေးရပါတယ်။

မဟုတ်ရင် လေ့ကျင့်ခန်းလုပ်ထားတဲ့ ဒဏ်ကြောင့် နာနေတဲ့ ကြွက်သားတွေက ပိုဆိုးလာပါလိမ့်မယ်။ အကြောလျှော့တယ်ဆိုတာ ကြွက်သားတွေ ဖွံ့ဖြိုးလာဖို့ အနားပေးတဲ့ သဘောပါပဲ။ ထိခိုက်ဒဏ်ရာ အလွယ်တကူမရအောင် အကြောလျှော့ လေ့ကျင့်ခန်းက မဖြစ်မနေ လုပ်ပေးရပါတယ်။ ဒီတော့ လွယ်ကူတဲ့ အကြောလျှော့လေ့ကျင့်ခန်းတွေကို ကြည့်လိုက်ရအောင်နော်-

Child’s Pose

Photo Source: Popsugar

သင့်တစ်ကိုယ်လုံးစာ အညောင်းပြေသွားဖို့ Child’s Pose ကိုလုပ်ပေးနိုင်ပါတယ်။ တင်ပါးကို ကော့ထားပြီးခန္ဓာကိုယ်ကို ကွေးကာရှေ့ဆန့်ထုတ်ပေးရပါမယ်။ ဒီအတိုင်း စက္ကန့် ၃၀ နေရပါမယ်။

Abs Stretch

Photo Source: We Heart Living

ဝမ်းဗိုက်လေ့ကျင့်ခန်းလုပ်ပြီးနောက် မဖြစ်မနေ လုပ်ပေးရမယ့် လေ့ကျင့်ခန်းပါ။ ဗိုက်ကို မြေကြီးနဲ့ ထိထားကာလက်နှစ်ဘက်ကို ရှေ့မှာထား ပြီး ဆန့်ပေးရပါမယ်။ စက္ကန့် ၃၀ ပါပဲ။

Cat Cow Pose

Photo Source: MindBodyGreen

ဒူးထောက်ကာ ခန္ဓာကိုယ်ကို မှောက်လျက်ပုံစံနဲ့ အစပြုပေးရပါမယ်။ ပြီးနောက် တင်ပါးကို ကော့ကာ ခေါင်းကို ဒါနဲ့ဆန့်ကျင်ဘက် အပေါ် မော့ပေးရပါမယ်။ ပြီးနောက် တင်ပါးနဲ့ ပြန်ထောင်ကာ ကျောရိုးမကြီးကို မျဉ်းကွေးသလိုပုံစံကွေးပေးရပါမယ်။ ဒါကို ၁ မိနစ် ညင်ညင်သာသာ လုပ်ပေးရပါမယ်။

Hip Stretch

Photo Source: Medical-News-Today

ခြေထောက်ဆန့်ထိုင်ကာ ခြေထောက်တစ်ဘက်ကို တခြားဆန့်ကျင်ဘက် ခြေထောက်ဆီ ခွကာ ခွတဲ့ ဒူးပေါ်လက်တင်ပြီး ခန္ဓာကိုယ်ကို ဆန့်ကျင်ဘက်ဆီ လှည့်ပေးရပါမယ်။ ဒါမျိုး တစ်ဘက်ဆီ စက္ကန့် ၃၀ လုပ်ပေးရပါမယ်။

Bound Angle Pose

Photo Source: Ekhart Yoga

ဒူးနှစ်ဘက်ကို ခြေဖဝါး မျက်နှာချင်းဆိုင် အနေအထားနဲ့ စက္ကန့် ၃၀ ကွေးပေးရပါမယ်။

Lower Back Stretch

Photo Source: Medical-News-Today

အိပ်လျက်အနေအထားနဲ့ ဒူးကွေးကာ ဒီဒူးကို စက္ကန့် ၃၀ ကြာ ပွေ့ထားပေးရပါမယ်။

Standing Forward Bend

Photo Source: Ekhart Yoga

မတ်တပ်ရပ်အနေအထားနဲ့ အစပြုကာ ခန္ဓာကိုယ်ကို ဒူးမကွေးဘဲ အောက်ဘက် ငုံ့ပေးရပါမယ်။ ကိုယ်ကုန်းနိုင်သလောက် အနေအထားအထိ ဖြေးဖြေးချင်း လုပ်ပေးရပါမယ်။ စက္ကန့် ၃၀ နေပေးရပါမယ်။

Low Lunge Pose