မိန်းကလေးတိုင်းနဲ့ လိုက်ဖက်ပြီး သက်တောင့်သက်သာရှိတဲ့ ဂါဝန်အရှည် ပုံစံများ

လုံလုံခြုံခြုံရှိတဲ့ ဝတ်စုံတွေက ဝတ်လိုက်တဲ့အခါ သင့်ကိုယ်သင် သက်တောင့်သက်သာ ရှိစေပါတယ်။ ဒါကြောင့်ပဲ မိန်းကလေး အများစုက ပေါင်သား မပေါ်တာ၊ ဗိုက်မပေါ်တာ စတဲ့ ဝတ်စုံတွေကို အရွေးများကြတာပါ။ ဂါဝန်ရှည်တွေက နေရာနဲ့ အချိန်အခါ အလိုက် ရွေးချယ် ဝတ်ဆင်တတ်ရင် မိန်းကလေးတိုင်းနဲ့ လိုက်ဖက်ပါတယ်။

ကိုးရီးယား ဒရာမာတွေမှာ စတိုင် Vibe တစ်မျိုးကိုမှ အမျိုးမျိုး ပြောင်းဝတ်တတ်တဲ့ မင်းသမီးတွေကို သင်မြင်ဖူးမှာပါ။ ဥပမာ မင်းသမီး Song Hye Kyo ဆိုရင် ဇာတ်လမ်းအများစုမှာ သူမရဲ့ ဇာတ်ကောင်ကို ဖော်ညွှန်းနိုင်တဲ့ ဖက်ရှင် Vibe တစ်မျိုးတည်းကို အမျိုးမျိုး ပြောင်းလဲ ဝတ်ဆင်တတ်ပါတယ်။

သင်က ဒီ မင်းသမီးတွေလို သင့်စတိုင်ကို တစ်မျိုးတည်း Vibe မျိုး သွားချင်ရင် စကပ်ရှည်က ရွေးစရာ Option တွေထဲက တစ်ခုပါ။

ဒါပေမဲ့ စကပ်ရှည် ဝတ်စုံက သင့်ကိုယ် အတိုင်းနဲ့ ကွက်တိမကျရင်တော့ ပွလွန်းတာ၊ ဖားလားကြီး ဖြစ်နေတာ စတာတွေ ဖြစ်တတ်ပါတယ်။ ဒါ့အပြင် အသက်ပိုကြီးတယ် ထင်ရစေပါတယ်။ ဒါကြောင့် ရွေးချယ် ဝတ်တတ်ဖို့တော့ လိုပါမယ်။