ပရိသတ်တွေက Min လို့ချစ်စနိုးခေါ်ကြတဲ့ ထိုင်းမင်းသမီး Min Pechaya ရဲ့ နာမည်အပြည့်အစုံကတော့ Pechaya Wattanamontree ဖြစ်ပြီး အနုပညာသက်တမ်း ၁၃နှစ်နီးပါးရှိနေပြီဖြစ်တဲ့ မင်းသမီးတစ်လက် ဖြစ်ပါတယ်။
သူမဟာ မကြာသေးမီကမှ “Go Away, Mr. Tumor” လို့ခေါ်တဲ့ ရုံတင်ဇာတ်လမ်းသစ်တစ်ခု ထွက်ရှိထားပြီး အခုနှစ်ကုန်ပိုင်းမှာ လူငယ်မင်းသား Win Metawin နဲ့ ဇာတ်ကားအသစ်တစ်ကားရိုက်ကူးဖို့ ပြင်ဆင်နေတယ်လို့ သူမပရိသတ်တွေကို အသိပေးထားပါတယ်။
ထိုင်းနိုင်ငံရဲ့ဆွဲဆောင်မှုအရှိဆုံးနဲ့ အကျော်ကြားဆုံးမင်းသမီးတွေထဲကတစ်ဦးဖြစ်တဲ့ သူမဟာဆိုရင် အသက် (၃၀) ကျော်လို့မထင်ရအောင် နုပျိုလှပတဲ့ အပြုံးလေးတွေပိုင်ဆိုင်ထားသူပါ။ Miss တစ်ဦးလည်း ဖြစ်ခဲ့ဖူးတဲ့သူမဟာ ကျစ်လျစ်သွယ်လျတဲ့ကိုယ်လုံးကိုယ်ပေါက်ရှိတဲ့အပြင် ဖက်ရှင်ပိုင်းနဲ့လည်းမစိမ်းတဲ့ မော်ဒယ်လ်မင်းသမီးတစ်ဦးဖြစ်ပါတယ်။
ဒီတစ်ခေါက်မှာ Min ကိုချစ်တဲ့ပရိသတ်တွေနဲ့ Crop Top ဝတ်ရတာကြိုက်တဲ့ လူငယ်မိန်းကလေးတွေအတွက် မင်းသမီးချော Min ရဲ့ ခေတ်ဆန်ပြီးအထာကျတဲ့ Crop Top အတွဲအစပ်ဖက်ရှင်ပုံရိပ်လေးတွေကို ဖော်ပြပေးလိုက်ပါတယ်။
Photo Source: Pinterest
By MyStyle Myanmar