ပျိုမေတို့အတွက် ထသွားထလာ ပေါ့ပေါ့ပါးပါး ဝတ်ဆင်နိုင်မယ့် ဖက်ရှင်များ

သင်က ရှုပ်ရှုပ်ယှက်ယှက် ဖက်ရှင်တွေထက် ကိုယ့်ကို ပေါ့ပေါ့ပါးပါး ဖြစ်စေမယ့် အဝတ်အစားတွေကို သဘောကျတယ်ဆိုရင်တော့ အောက်ဖော်ပြပါ ဖက်ရှင်တွေအတိုင်း ဝတ်ဆင်သင့်ပါတယ်။ ဘယ်အဝတ်အစားပဲဖြစ်ဖြစ် ကိုယ်တိုင် သဘောကျမှ ဝတ်တဲ့အချိန် အလှဆုံး ဖြစ်မှာပါ။ ဒါ့အပြင် နဂိုကထက် ပိုကြည့်ကောင်းအောင် ဝတ်ဆင်တတ်ဖို့ ဖက်ရှင်ဝတ်ဆင်နည်းတွေကို အမြဲလေ့လာနေသင့်ပါတယ်။ ဒီလိုလေ့လာတဲ့နေရာမှာ ကိုယ့်အတွက် ရေရှည်မှာ သက်တောင့်သက်သာဖြစ်စေမယ့် အဝတ်အစားအတွဲအစပ်တွေကိုလည်း ထည့်စဉ်းစားသင့်ပါတယ်။ ဒီတော့ ပေါ့ပေါ့ပါးပါးနဲ့ အလှမပျက်စေဘဲ သက်တောင့်သက်သာရှိစေမယ့် ဝတ်ဆင်ပုံတွေကို ကြည့်လိုက်ရအောင်နော်-

ဂျင်းအရှည်နဲ့ တီရှပ်ကတော့ ပေါ့ပါးတဲ့ ဖက်ရှင်သဘောကျသူ ပျိုမေတို့အတွက် မရှိမဖြစ်ပါပဲ။

အပေါ်ထပ်ပါမှ သဘောကျတဲ့ ပျိုမေတို့ကတော့ ဒီဖက်ရှင်တွေအတိုင်း ဝတ်ဆင်နိုင်ပါတယ်။ အပေါ်ထပ်တွေက ကိုယ့်ခါးနေရာကို မမြင်ရစေဘဲ ပိုပိန်တယ်လို့ ထင်ရစေပါတယ်။

ငယ်ငယ်က ဝတ်ခဲ့ဖူးတဲ့ Sweater Vest လေးတွေကလည်း ကိုယ့်ဖက်ရှင်ကို ပိုထူးခြားသွားစေပါတယ်။

ဆွဲသား လက်ရှည် လက်တို Crop လေးတွေကလည်း အခုနောက်ပိုင်း မိန်းကလေးတွေကြားထဲ ရေပန်းစားလာပါတယ်။ အောက်က ဘောင်းဘီ ရှည် ဂျင်းနဲ့ တွဲဝတ်မယ်ဆိုရင် သင့်ပုံစံကို မိန်းကလေးဆန်ဆန်နဲ့ လှစေပါလိမ့်မယ်။