ပျိုမေတိုင်းမှာရှိတဲ့ ဂျင်းအဖျော့ရောင်ဘောင်းဘီရှည်နဲ့ လိုက်ဖက်တဲ့ အင်္ကျီအရောင်များ

Lighter Washed Jeans လို့ခေါ်တဲ့ ဂျင်းပြာ အဖျော့ဘက်သွားတဲ့ ဘောင်းဘီရှည်တွေက အဝတ်အစားတိုင်းလိုလိုနဲ့ လိုက်ဖက်ပါတယ်။ ပေါ့ပေါ့ပါးပါး ဝတ်ရတာ နှစ်သက်တဲ့ ပျိုမေတို့မှာ ရှိထားသင့်တဲ့ ဘောင်းဘီအရှည် တစ်ထည်က ဂျင်းဖျော့ဘောင်းဘီရှည်ပဲ ဖြစ်ပါတယ်။ သင်က ဂျင်းအဖျော့တစ်ထည် ပိုင်ဆိုင်ထားရုံနဲ့ ဖက်ရှင်ပုံစံ အမျိုးမျိုး ဝတ်ဆင်နိုင်ပါတယ်။ ဒီတစ်ခေါက်မှာတော့ ဂျင်းအဖျော့ရောင် ဘောင်းဘီရှည်နဲ့ လိုက်ဖက်တဲ့ အရောင်တွေကို ဖော်ပြပါရစေ။ ဒီအရောင်တွေကို သိထားရင် သင်အင်္ကျီဝယ်တဲ့အခါ အများကြီး စဉ်းစားစရာမလိုတော့ပါဘူး။

၁။ အစိမ်းရောင်

အစိမ်းရောင်က အခုနောက်ပိုင်း ပျိုမေအများစု ဝတ်လာတဲ့ အရောင်ပဲ ဖြစ်ပါတယ်။ သင့်ကို ယဉ်ယဉ်လေးနဲ့ လှစေမယ့်အရောင်ဖြစ်ပါတယ်။

၂။ အညိုရောင်

ဂျင်းအဖျော့နဲ့ လိုက်တဲ့ နောက်တစ်ရောင်ကတော့ အညိုရောင်ပါ။ အညိုရောင်က အဝတ်အစားတိုင်းနဲ့ လိုက်ဖက်ပြီး မိန်းကလေးတိုင်းမှာ ရှိထားသင့်တဲ့ အင်္ကျီအရောင် ဖြစ်ပါတယ်။ တည်ငြိမ်တဲ့ မိန်းကလေးအများစုနဲ့ အညိုရောင်က လိုက်ဖက်ပါတယ်။

၃။ ပန်းရောင်

ကလေးဆန်သူတွေ၊ မိန်းကလေးဆန်ပြီး ချစ်စရာကောင်းတဲ့ ပျိုမေတို့က ပန်းရောင်ကို နှစ်သက်တတ်ကြပါတယ်။ ပန်းရောင်ကလည်း ဂျင်းအဖျော့ဘောင်းဘီရှည်နဲ့ လိုက်ဖက်ပါတယ်။

၄။ ခရမ်းရောင်

အပြာဘက်သွားတဲ့ ခရမ်းရောင်၊ ခရမ်းရောင်စတာတွေက သင့်ကို ခပ်မိုက်မိုက်ပုံစံ ရစေပါတယ်။ တခြားသူတွေထက် ထင်းထွက်ပြီး ဂျင်းအဖျော့ ဘောင်းဘီရှည်နဲ့ အဆင်ပြေတဲ့ အရောင်ဖြစ်ပါတယ်။