ကမ္ဘာ့အအေးဆုံးလို့သတ်မှတ်ထားတဲ့ ထူးထူးခြားခြားနေရာများ

ကမ္ဘာကြီးရဲ့ဘယ်နေရာ အအေးဆုံးဖြစ်မလဲထင်သလဲ။ ပုံမှန်ထက်အေးတဲ့နေရာမှာရော ပရိသတ်တွေ နေချင်ရဲ့လား။ ဒီနေ့မှာတော့ ကမ္ဘာ့အအေးဆုံးနေရာတွေကို ဗဟုသုတအနေနဲ့ ဖော်ပြပေးသွားမှာပါ။

(၁) Eureka – Canada

Eureka ဟာသုတေသန ပြုလုပ်တဲ့လူတွေ နေတဲ့နေရာပါ။ လူဦးရေအနေနဲ့ ၈ ယောက်ပဲရှိပါတယ်။ ကနေဒါနိုင်ငံရဲ့ ပိုင်နက်နယ်မြေထဲမှာရှိပြီး လိုအပ်တဲ့ အစားအစာတွေ ပစ္စည်းတွေကို လေယာဉ်တွေနဲ့ နှစ်ပတ်ကို တစ်ခါချပေးလေ့ရှိပါတယ်။ ကုန်းလမ်းသုံးလို့ မရပါဘူး။ Eureka ရဲ့နှစ်စဉ် ပျမ်းမျှအပူချိန်ဟာ -18.8 ° C ရှိပါတယ်။

(၂) Rogers Pass – USA

USA, Montana မှာရှိတဲ့ Rogers Pass ဒီစာရင်းထဲမှာပါတဲ့ နေရာတွေနဲ့နှိုင်းယှဉ်ရင် အနွေးဆုံးလို့ပြောလို့ရပါတယ်။ ပင်လယ်ရေမျက်နှာပြင်အထက် ၅၆၁၀ မီတာ မှာတည်ရှိနေပြီး ဇန်နဝါရီလရဲ့ အပူချိန်ဟာ 0° C – 10° C အတွင်းရှိနေပါတယ်။

(၃) Prospect Creek – Alaska, USA

 

၁၉၇၁ ဇန်နဝါရီလ မှာ Prospect Creek ရဲ့အပူချိန်ဟာ -10°C အထိလျှော့ကျသွားခဲ့ပါတယ်။ United States ရဲ့အအေးဆုံးနေရာဖြစ်ပြီး တခါတစ်လေအပူချိန်ဟာ -62.2°C ကျသွားတတ်ပါတယ်။

(၄) Snag – Yukon, Canada

မြောက်အမေရိက တိုက်ရဲ့အအေးဆုံးနေရာတွေထဲက တစ်ခုလို့ပြောလို့ရပါတယ်။ အမြင့်ဆုံးပျမ်းမျှ အပူချိန်ဟာ 0° C ဖြစ်ပြီးတော့ အနိမ့်ဆုံး -12.2°C အထိလျှော့ကျ သွားတတ်ပါတယ်။

(၅) Oymyakon – Russia

Oymyakon မှာ ဇန်နဝါရီ၊ ဖေဖော်ဝါရီ နဲ့ ဒီဇင်ဘာလတွေရဲ့ ပျမ်းမျှအပူချိန်ဟာ -50° C အထိရှိပါတယ်။ အအေးဆုံးအဖြစ် စံချိန်တင်ခဲ့တာကတော့ ၁၉၃၃ ခုနှစ် ဖေဖော်ဝါရီလမှာ ဖြစ်ပြီး အပူချိန်ဟာ to -67.7° C အထိကို လျှော့ကျသွားခဲ့တာပါ။

(၆) Vostok, Antarctica

အအေးဆုံးနေရာတွေထဲက တစ်ခုဖြစ်ပြီး ရေတွေက အမြဲတမ်း အေးခဲနေလေ့ရှိပါတယ်။ ဧပြီလကနေစပြီး အောက်တိုဘာလအထိ ပျမ်းမျှအပူချိန်ဟာ -65 ° C ခန့်ရှိပါတယ်။ နိုဝင်ဘာကနေ မတ်လအထိကတော့ -42° C အထိရှိတတ်ပါတယ်။

Source: Bright Side