မိန်းကလေးတိုင်း လိုလို ကိုယ်သဘောကျရာ ပုံစံစတိုင်နဲ့ အထာကျကျ လှချင်ကြပါတယ်။ ဘယ်လိုနေနေ ကြည့်ကောင်းတယ်ဆိုတဲ့ စကားကို ပျိုမေတိုင်း ကြားချင်ကြပါတယ်။ စတိုင်ကျဖို့ ကိုယ့်အဝတ်ဗီရိုမှာ အဝတ်အစားတစ်ချို့နဲ့ Accessories အချို့ကို စုဆောင်းသင့်ပါတယ်။ ဒီပစ္စည်းအချို့က သင့်ကို ဖက်ရှင်ပုံစံ များစွာကို ပြောင်းနိုင်အောင် ကူညီပေးပါလိမ့်မယ်။ ဒါကို Basic Essential အခြေခံ မရှိမဖြစ် လိုအပ်တဲ့ ဖက်ရှင်ပစ္စည်းတွေလို့လည်း ပြောနိုင်ပါတယ်။ ဒီတော့ ဘာပစ္စည်းတွေလဲ ကြည့်လိုက်ရအောင်နော်-

၁။ White Tank

အဖြူရောင် အင်္ကျီ တစ်လုံးကို အပေါ်ထပ် မပါဘဲ ဝတ်နိုင်သလို အဖြူကို အောက်ခံထားကာ အပေါ်ထပ် မျိုးစုံ ပြောင်းလဲဝတ်ဆင်နိုင်ပါတယ်။

၂။ အပြာရောင် ဂျင်းဘောင်းဘီ

ဂျင်းကိုမှ Ripped Jeans ဆိုရင် အထာကျကျ ပိုမိုက်မှာပါ။ ပျိုမေတိုင်း အပြာရောင် ဂျင်းဘောင်းဘီ တစ်ထည်ကိုတော့ ပိုင်ဆိုင်သင့်ပါတယ်။

၃။ Black Mini Skirt

အနက်ရောင် စကပ်အတို တစ်ထည်ကို အပေါ်အင်္ကျီမျိုးစုံနဲ့ ပြောင်းလဲ ဝတ်ဆင်နိုင်ပါတယ်။ အနက်ဖြစ်တာမို့ အရောင်တိုင်းနဲ့ လိုက်ဖက်နေမှာပါ။

၄။ White Turtle neck

အဖြူရောင် လည်ပင်းအရှည် အင်္ကျီကလည်း မရှိမဖြစ် လိုအပ်တာပါပဲ။ အရောင်မျိုးစုံနဲ့ လိုက်ဖက်ပြီး အထူးသဖြင့် ဆောင်းရာသီမှာ ဝတ်ဆင်နိုင်ပါတယ်။

၅။ Leather Jacket

အနက်ရောင် Leather Jacket က သင့်စတိုင်ကို ပိုမိမိုက်နေစေမှာပါ။

၆။ ရွှေနဲ့ ပတ်သက်တဲ့ လတ်ဝတ်ရတနာ

ရွှေနားကွင်း၊ ရွှေဆွဲကြိုးစတဲ့ Accessories တွေက အဝတ်အစားတိုင်းနဲ့ လိုက်ဖက်ပါတယ်။ ရွှေမှာမှ လူငယ်ဆန်ဆန် ဒီဇိုင်းမျိုးပါ။

၇။ ဘေးလွယ်အိတ်

ကြိုးနဲ့ လွယ်တဲ့ အိတ်မဟုတ်ဘဲ ဘေးဘက် လွယ်အိတ်မျိုးပါ။

၈။ Oversized Tees

ရှပ်အပွ တစ်ထည်ကို အင်္ကျီထဲ ထည့်ဝတ်နိုင်သလို ခပ်ပွပွ ပေါ့ပေါ့ပါးပါး ဝတ်နိုင်ပါတယ်။

Photo Source: Pinterest

By MyStyle Myanmar