အားကစားနဲ့ ကိုယ်ကာယလှုပ်ရှားမှုတွေဟာ ကိုယ်ကျန်းမာ/စိတ်ချမ်းသာအောင် အများကြီးအထောက်အကူပြုတယ်ဆိုတာ လူအတော်များများ သိကြပါတယ်။ ဒါပေမယ့် ဒီနေ့ခေတ်မှာ ကိုယ်လက်လှုပ်ရှားမှုတွေဟာ နည်းသထက် နည်းလာပြီ ဖြစ်ပါတယ်။ အခုပြောမယ့် လက္ခဏာတွေသာ သင့်မှာ ခံစားနေရရင် သင်လည်း လှုပ်လှုပ်ရှားရှား အားကစားလေးတွေ လုပ်ပေးဖို့ လိုပြီ ဖြစ်ပါတယ်။

(၁) ပင်ပန်းနေတာ ရက်ဆက်လာတယ်

 a tired young businesswoman sitting at the table with laptop computer while holding cup of coffee and sleeping at a cafe

Photo: thehealthy

တစ်ချိန်လုံး ပင်ပန်းနေတယ်လို့ ခံစားရတာကလည်း လှုပ်လှုပ်ရှားရှား လုပ်ဖို့ လိုနေကြောင်း ပြသနေတဲ့ လက္ခဏာတစ်ခု ဖြစ်နိုင်ပါတယ်။ နုံးနေတယ်လို့ စိတ်ထဲမှာ ခံစားနေရင် ချွေးလေး ဘာလေး ထွက်သွားအောင် အားကစားလုပ်ကြည့်ဖို့ တိုက်တွန်းချင်ပါတယ်။

(၂) ရုတ်တရက် နာကျင်လာတယ်

Young woman sitting on the bed with neck pain after wake up

Photo: thehealthy

မနက်အိပ်ရာထချိန်တွေမှာ ပုခုံး ၊ လက်ပြင်နဲ့ ဒူးတွေက ရုတ်တရက် ကိုက်ခဲနာကျင်လာတယ်ဆိုရင်လည်း ကိုယ့်ကိုယ်ကိုယ် ပြန်မေးကြည့်သင့်ပါတယ်။ ငါ တစ်နေ့တစ်နေ့ အားကစား ဘယ်လောက် လုပ်ထားသလဲ ဆိုပြီးပေါ့။

(၃) စိတ်ဖိစီးမှု ဖြစ်နေတယ်

Sad woman with notepad and pencils on table

Photo: Freepik

စိတ်ထဲမှာ မွန်းကြပ်ကြပ်ကြီး ဖြစ်နေရင် မိနစ် ၃၀ နှုန်းနဲ့ တစ်ပတ်ကို ၄ ရက်လောက် ပုံမှန် လမ်းလျှောက်ခြင်း ၊ အပြေးလေ့ကျင့်ခန်း လုပ်ခြင်းနဲ့ သက်သာအောင် ကုစားနိုင်ပါတယ်။ ကိုယ့်ကိုယ်ကိုယ် စိတ်ဖိစီးနေတယ် ခံစားရရင်လည်း ကိုယ်လက်လှုပ်ရှားမှု လုပ်ပေးဖို့ လိုပါတယ်။

(၄) အစာမကြေဘူး ခံစားရတယ်

woman haviing abdominal pain because of menstruation lying in couch and holding her stomach

Photo: Freepik

အားကစားလုပ်ခြင်းဟာ အစာချေဖျက်မှုကို အားပေးပါတယ်။ အစာအိမ်အတွက် ဝန်ထုပ်ဝန်ပိုးဖြစ်စေမယ့် အစာမကြေတဲ့ ပြဿနာကို ရေကူးခြင်း ၊ ကခုခြင်း ၊ အကြောလျှော့ခြင်းနဲ့ လမ်းလျှောက်ခြင်း စတဲ့ လေ့ကျင့်ခန်းတွေ လုပ်ပြီး ဖြေရှင်းလို့ ရပါတယ်။

(၅) ညဘက် အိပ်မပျော်ဖြစ်နေတယ်

Young asian woman cannot sleep insomnia late at night

Photo: thehealthy

ညည အိပ်လို့ မရဘူးဖြစ်နေတယ်ဆိုရင်လည်း အားကစားလုပ်ဖို့ အကြံပေးချင်ပါတယ်။ အားကစားလုပ်ခြင်းဟာ အိပ်စက်ချိန် ပိုကြာမြင့်စေသလို ပိုပြီးလည်း နှစ်နှစ်ခြိုက်ခြိုက် အိပ်ပျော်အောင် ကူညီပေးနိုင်ပါတယ်။