Formal နဲ့ပဲ ဖြစ်ဖြစ် Jeans ဖက်ရှင်နဲ့ပဲ စီးစီး လယ်သာ Shoes တွေဟာ လူကို ပိုပြီးခန့်ညားထည်ဝါစေပါတယ်။ တကယ်တော့ Leather Shoes အဝယ်မှန်ဖို့ဆိုတာ သိပ်တော့မလွယ်ပါဘူး။ သားရေအမျိုးအစားကနေ ချုပ်ရိုးချုပ်သားနဲ့ ဒီဇိုင်းအချိုးအစားက အစ သေချာကြည့်ဖို့လိုပါတယ်။ ဘယ်လိုအချက်လေးတွေလဲဆိုတော့ –

(၁) လယ်သာအမျိုးအစား

Photo: AskMen

အရင်ဆုံး စဉ်းစားရမှာက ဘယ်လိုလယ်သာမျိုးနဲ့ လုပ်ထားတာလဲဆိုတဲ့အချက်ပါပဲ။ တစ်ချို့လယ်သာက သဘာဝအတိုင်း ပေါလစ်ရှ်လုပ်မထားတဲ့ Full-Grain Leather မျိုး ဖြစ်ပြီး ပိုပြီး အကြမ်းပတမ်းခံသလို အရည်အသွေးလည်း အကောင်းဆုံးဖြစ်ပါတယ်။ နောက်တစ်မျိုးက သားရေတုလို့ ခေါ်တဲ့ ဈေးသက်သာတဲ့ Corrected-Grain Leather ဖြစ်ပါတယ်။ ဝတ်ရသာ သိပ်ပြီး သက်တောင့်သက်သာ မရှိသလို ခြေထောက်ချွေးထွက်ပြီး အနံ့လည်း နံနိုင်ပါတယ်။

(၂) စတိုင်

Photo: Pinterest

Leather Shoes တွေဟာ သူ့အမှတ်တံဆိပ်ပေါ် လိုက်ပြီး ဒီဇိုင်းနဲ့ ပုံချိုး ကွာပါတယ်။ အကြမ်းခံပိုမြင့်တဲ့ Boot စတိုင်ရှိသလို Formal ပွဲတက် ဒီဇိုင်းတွေလည်း ရှိပါတယ်။ ကြိုးတပ်ဖက်ရှင်ရှိသလို ကြိုးပတ်ဖက်ရှင်လည်း ရှိပါတယ်။ ဒီအတိုင်း ခြေလျှိုဝတ်လို့ရမယ့် Slip on စတိုင်လည်း ရှိပါတယ်။

(၃) အောက်ခံ Sole အရွေးမှန်ပါစေ

Photo: Jooinn

ဖိနပ်အောက်ခံ Sole ပြားတွေ ဆိုတာ ဖိနပ်တစ်ရံမှာ အလုပ်အများဆုံး အစိတ်အပိုင်းတစ်ခုပါပဲ။ Leather Sole အမျိုးအစားက ခြေထောက်ရဲ့ သဘာဝပုံစံနဲ့ လိုက်ဖက်မှုရှိပြီး ပိုလည်း ပရီမီယံဆန်ပါတယ်။ Rubber Sole တွေကတော့ စီးရတာ သက်တောင့်သက်သာရှိပါတယ်။ အကုန်အကျနည်းပေမယ့် တာရှည်အသုံးမခံဘဲ ပျက်စီးလွယ်ပါတယ်။