ပရိတ်သတ်တို့ရေ…ဒီတစ်ခေါက် MyStyle Myanmar ရဲ့ အနုပညာရှင်တို့ရဲ့ဖက်ရှင်ကဏ္ဍအတွက် ရွေးချယ်ထားတဲ့ အနုပညာရှင်လေးကတော့ တရုတ်နိုင်ငံက လူသိများနာမည်ကြီး မင်းသမီးတွေထဲက တစ်လက်အပါအဝင်ဖြစ်တဲ့ Yang Zi ပဲဖြစ်ပါတယ်နော်။ သူလေးကတော့ အရပ်ပုပုလေး၊ ပါးချိုင့်လေးနဲ့ ပရိသတ်တွေရဲ့ အသည်းကို ဖမ်းစားထားသူလေးပါ။
Yang Zi ကို Andy Yang ဆိုပြီးတော့လည်း လူသိများကြပြီး တရုတ်နိုင်ငံက မင်းသမီးရော အဆိုတော်လည်းဖြစ်ပါတယ်။ Performance Institute of Beijing Film Academy ကနေပြီး ၂၀၁၄ ခုနှစ်မှာ ကျောင်းပြီးခဲ့တာဖြစ်ပြီးတော့ သူမရဲ့မွေးနေ့သက္ကရာဇ်ကတော့ ၁၉၉၂ ခုနှစ် နိုဝင်ဘာလ (၆) ရက်နေ့ဖြစ်ပါတယ်။ တရုတ်နိုင်ငံ ဘေကျင်းမြို့မှာ မွေးဖွားခဲ့ပြီး လက်ရှိအချိန်မှာတော့ အသက် (၃၀) ရှိနေပါပြီ။ ဒါပေမယ့်လည်း အခုထိ ၂၀ ကျော်လေးလားလို့ပဲ ထင်ရပါသေးတယ်နော်။
သူမကို လူသိများလှတဲ့ ဇာတ်ကားတွေကတော့ Ashes of Love, The Oath of Love, Go Go Squid!, The Destiny of White Snake, Immortal Samsara စတာတွေပဲဖြစ်ပါတယ်။
သူမကို ချစ်မြတ်နိုးကြတဲ့ မြန်မာနိုင်ငံက ပရိတ်သတ်တွေအတွက် သူမရဲ့ဖက်ရှင်လေးတွေကို ရွေးချယ်ဖော်ပြပေးလိုက်ရပါတယ်။
