အားလုံးပဲ မင်္ဂလာပါ။ မြန်မာ C-Drama ပရိသတ်တွေအတွက်တော့ Guan Xiaotong ဆိုတဲ့ တရုတ်မင်းသမီးချောလေးကို ရင်းနှီးပြီးသားဖြစ်ကြမှာပါနော်။ တရုတ်ဇာတ်လမ်းတွဲ တော်တော်များများမှာ ပါဝင်သရုပ်ဆောင်ထားပြီး ပရိသတ်တွေရဲ့ ရင်ထဲမှာ နေရာယူထားတဲ့ မင်းသမီးချောလေးပါ။ သူမကို ၁၉၉၇ ခုနှစ်၊ စက်တင်ဘာလ (၁၇) ရက်နေ့မှာ မွေးဖွားခဲ့တာပါ။
သူမက သရုပ်ဆောင်ပိုင်းမှာသာမက အဆိုပိုင်းမှာလည်း ထူးချွန်အောင်မြင်တဲ့ အနုပညာရှင်တစ်ယောက်လည်း ဖြစ်ပါတယ်။ သူမရဲ့ အရပ်အမြင့်က ၅ ပေ ၈ လက်မ ရှိပြီး သွေးအမျိုးအစားကတော့ အိုသွေးပါ။ သီချင်းသီဆိုရတာလည်း ဝါသနာပါသူလေးတစ်ဦးဖြစ်ပါတယ်။
သူမက အနုပညာမျိုးရိုးက ဆင်းသက်လာတဲ့သူပါ။ သူမရဲ့ အဖေက မင်းသား Guan Shaozeng ဖြစ်ပြီး သူမရဲ့ အဘိုးကလည်း Beijing Qinshu ရဲ့ တည်ထောင်သူပါပဲ။ သူမ အနုပညာလောကထဲကို စတင်ခြေလှမ်းခဲ့တာကတော့ အသက်လေးနှစ်အရွယ်မှာ Nuan မှာပါဝင်ခဲ့ပြီး အစပျိုးခဲ့တာပါ။
သူမ သရုပ်ဆောင်ထားတဲ့ ဇာတ်လမ်းတွဲတွေ ရုပ်ရှင်တွေကလည်း ပရိသတ်တွေရဲ့ တစ်ခဲနက်အားပေးမှုကို ရရှိခဲ့ပါတယ်။ ဒါ့အပြင် Varitey Show တွေမှာလည်း တခါတလေ ပါဝင်ခဲ့ပါသေးတယ်။ အချစ်ရေးအနေနဲ့ကတော့ သူ့ရဲ့ချစ်သူကတော့ SM Entertainment က စင်တင်ပေးခဲ့တဲ့ EXO အဖွဲ့ဝင်ဟောင်း Lu Han ဖြစ်ပြီး ချစ်သူသက်တမ်းလည်း တော်တော်လေး ကြာနေပါပြီနော်။
Guan Xiaotong ရဲ့ ပရိသတ်တွေအတွက် သူမရဲ့ ဖက်ရှင်လေးတွေကို ဝေမျှပေးလိုက်ပါတယ်နော်။
Image Source: Pinterest
