ဟယ်လို MyStyle Myanmar ရဲ့ ချစ်ပရိသတ်တို့ရေ ဒီတစ်ခေါက်မှာတော့ တရုတ်ရိုးရာဝတ်စုံနဲ့ အင်မတန်လိုက်ဖက်ပြီး သရုပ်ဆောင်လည်းကောင်းလှတဲ့ မင်းသမီးချောလေး Peng Xiaoran အကြောင်းကို တင်ဆက်ပေးသွားမှာဖြစ်ပါတယ်။
၁၉၉၀ ခုနှစ် ဒီဇင်ဘာလ (၃) ရက်နေ့မှာ ဘေကျင်းမြို့၌ မွေးဖွားခဲ့တဲ့ သူမဟာ ပညာရေးအနေနဲ့ Communication University of China ကနေ ဘွဲ့ရထားပြီးပါပြီ။
၂၀၁၉ ခုနှစ်က ထွက်ရှိခဲ့တဲ့ နာမည်ကြီးလူကြိုက်များဇာတ်လမ်းတွဲ Goodbye My Princess နဲ့ ပရိသတ်တွေ ပိုပြီးရင်းနှီးခဲ့တဲ့ သူမဟာ ၂၀၁၃ ခုနှစ်ကတည်းက “iQiyi Morning Flight” ဆိုတဲ့ အစီအစဥ်ရဲ့ တင်ဆက်သူအဖြစ်နဲ့ အနုပညာလောကထဲ ဝင်ရောက်လာခဲ့တာပါ။
Peng Xiaoran ရဲ့ တခြားဇာတ်လမ်းတွဲတွေကတော့ Romance of a Twin Flower, Jun Jiu Ling, Shining Just For You, My Talent Neighbour, Queen of the Sea, Unshakable Faith တို့ပဲဖြစ်ပါတယ်။
သူမကို ပရိသတ်အများစုက နန်းတွင်းဇာတ်ကားတွေနဲ့ အများဆုံး ကြည့်ဖူးကြမှာဖြစ်ပြီးတော့ ရိုးရာဝတ်စုံနဲ့ အင်မတန်လိုက်ဖက်သူတစ်ဦးပါ။ အခုလိုမျိုး ရိုးရာဝတ်စုံနဲ့ လှပတဲ့သူမဟာ အပြင်ဖက်ရှင်နဲ့ဆိုရင်ရော ဘယ်လိုမျိုး ဆွဲဆောင်မှု ရှိနေမလဲဆိုတာကို အခုပဲ အတူတူကြည့်လိုက်ကြရအောင်ပါ။
Image Source: Pinterest
