တောင်ကိုရီးယားနိုင်ငံက ကလေးသရုပ်ဆောင်တွေဟာ အရွယ်ငယ်ငယ်လေးတွေနဲ့ကို သရုပ်ဆောင်စွမ်းရည်ပိုင်းမှာ အင်မတန်တော်လွန်းကြပါတယ်။ ဒီလိုမျိုး နိုင်ငံတကာက ပရိတ်သတ်တွေချစ်ကြတဲ့ ကလေးသရုပ်ဆောင်တွေထဲမှာ Jin Ji Hee လေးလည်း တစ်ယောက်အပါအဝင်ဖြစ်ပါတယ်နော်။

၁၉၉၉ ခုနှစ် မတ်လ ၂၅ ရက်နေ့မှာ မွေးဖွားခဲ့ပြီး ကလေးသရုပ်ဆောင်အဖြစ် ၂၀၀၃ ခုနှစ်ကထွက်ရှိခဲ့တဲ့ “Yellow Handkerchief” အမည်ရ တီဗီဒရမ်မာဇာတ်လမ်းတွဲမှာ စတင်ဝင်ရောက်သရုပ်ဆောင်ခဲ့ပါတယ်။ ဟာသဇာတ်လမ်းတွဲ “High Kick Through the Roof” ထဲမှာ စွာတေးလန်မလေးအဖြစ် သရုပ်ဆောင်ခဲ့ရာကနေ ၂၀၀၉ ခုနှစ် MBC Entertainment Awards မှာ အကောင်းဆုံးကလေးသရုပ်ဆောင်ဆုကို ဆွတ်ခူးရရှိခဲ့ပါတယ်။

တဖြည်းဖြည်းအရွယ်ရောက်လာတာနဲ့အညီ ရုပ်ရှင်ကားတွေ၊ ဒရမ်မာဇာတ်လမ်းတွဲတွေ အများအပြားမှာ ပါဝင်သရုပ်ဆောင်ခဲ့ပြီး “Can We Love?” (2014), “Seonam Girls High School Investigators” (2014) နဲ့ “Baek Hee Has Returned” (2016), The Penthouse (2020) တို့ကတော့ ပိုပြီးလူသိများပါတယ်။

မျက်နှာဖောင်းဖောင်းလေးနဲ့ ကလေးသရုပ်ဆောင်ဘဝကတည်းက ချစ်စရာကောင်းတဲ့ မင်းသမီးချောလေး Jin Ji Hee တစ်ယောက် အရွယ်ရောက်လာတဲ့အခါ ဘယ်လိုမျိုးချောမောလှပတဲ့ မင်းသမီးလေးအဖြစ်ပြောင်းလဲသွားသလဲဆိုတာကို ကြည့်လိုက်ရအောင်ပါ။

Source: Pinterest