သင့်ရင်သား တင်းရင်းပြီး ပိုပင့်တင်ပေးသလို ဖြစ်စေမယ့် လေ့ကျင့်ခန်း (၄) ခု

ရင်သား တင်းရင်းဖို့က ဗိုက်အဆီချရသလိုပဲ ခက်ခဲတဲ့ ဖြစ်စဉ်လို့ ပြောလို့ရပါတယ်။ အစားအသောက်ကော၊ အားကစား လုပ်တာကိုပါ သေချာ ဖိလုပ်ပေးမှ အရင်ထက် ရင်သား သိသိသာသာ တင်းရင်းလာမှာပါ။ သင်က ရင်သား ထိထိရောက်ရောက်ပြည့်လာဖို့ လုပ်န်ိုင်တဲ့ ထိရောက်တဲ့နည်းလမ်းကတော့ Surgery လုပ်တာ ဒါမှမဟုတ် ဆေးထိုးတာပါ။ သင်က ဒါတွေကို မလုပ်ချင်ရင်တော့ အားကစား သေချာ လုပ်ပေးနိုင်ပါတယ်။ ဒီတော့ အရင်ထက် ရင်သား ပြည့်ပြီး တင်းရင်းလာစေမယ့် လေ့ကျင့်ခန်းတွေကို ဖော်ပြလိုက်ပါတယ်။

၁။ Pull Over

အလေးတုံး တစ်တုံးကို လက်နှစ်ဖက်နဲ့ ကိုင်ပေးရပါမယ်။ အလေးတုံး အပေါ်စွန်းကို ကိုင်ကာ လှဲလျက် အနေအထားနဲ့ သင့်ခေါင်းပေါ်မှာ မ ထားတဲ့ အနေအထားနဲ့ နေပေးရပါမယ်။ ပြီးနောက် ဒီအနေအထားကနေ သင့်ခန္ဓာကိုယ်ကို ကျော်ကာ ရင်ဘတ်နဲ့ တန်းတဲ့အထိ ဆွဲချပေးရပါမယ်။

Photo Source: OCBnews

၂။ Dips

ဒီလေ့ကျင့်ခန်းက သင့်ရင်ဘတ်အပြင် သင့် လက်မောင်းပါ ပိုသန်မာလာစေမယ့် လေ့ကျင့်ခန်း ဖြစ်ပါတယ်။ ခုံတစ်ခုံပေါ် လက်ထောက်ကာ သင့်ခန္ဓာကိုယ်ကို အောက်ဘက် ရောက်အောင် လက်မောင်းကွေးကာ ထိုင်ရပါမယ်။ ပြီးနောက် နဂိုအနေအထား ဆန့်တန်းတဲ့ဆီ ပြန်သွားရပါမယ်။

Photo Source: Gfycat

၃။ Bench press

အလေးတုံး နှစ်တုံးကို လက်နှစ်ဖက်နဲ့ မကာ သင့်ရင်ဘတ်နဲ့ တည့်တည့် အနေအထားနဲ့ မြှောက်ကိုင်ပေးရပါမယ်။ ပြီးနောက် သင့်ဘေးဘက်နား တံတောင်ရောက်တဲ့အထိ ကွေးပေးရပါမယ်။

Photo Source: Trainer Plus

၄။ Incline Press

Bench Press လိုပဲ အလေးတုံးနှစ်တုံးကို လက်နှစ်ဖက်နဲ့ မကာ ရင်ဘက်နဲ့ တစ်တန်းတည်း အနေအထား ဆန့်တန်းပေးထားရပါမယ်။ ပြီးနောက် အောက်ဘက် ကွေးတဲ့အချိန် Bench Press လို ဘေးဘက်ထိ မကွေးဘဲ အလယ်လောက်မှာပဲ ရပ်ပေးရပါမယ်။ ပြီးနောက် အပေါ်အနေအထားဆီ ပြန်သွားရပါမယ်။