လောကမှာ နာမည်တူမရှား လူတူမရှားဆိုတာ အများကြီးရှိပါတယ်။ ဒီနေ့ဖော်ပြပေးမယ့် အနုပညာရှင်တွေကတော့ သူတို့ရဲ့ မိခင်တွေနဲ့ အံ့သြစရာကောင်းလောက်အောင်ကို တစ်ပုံစံတည်းတူနေကြတာပါ။
ဘယ်အနုပညာရှင်တွေလည်းဆိုတာ ဆက်ဖတ်ကြည့်လိုက်ပါဦးနော်။
(၁) Cindy Crawford & Kaia Gerber
Cindy Crawford ရဲ့ သမီးဖြစ်သူ Kaia Gerber ဟာ သူမရဲ့ မိခင်လောက်နာမည်ကျော်ကြားမှုကို မမှီသေးပေမယ့် ရုပ်ရည်ရူပကာပိုင်းကတော့ မိခင်ဖြစ်သူနဲ့လုံးဝတူညီနေပါတယ်။ လက်ရှိမှာလည်း အမေတူသမီးပီပီ မော်ဒယ်လ်လမ်းကြောင်းကို လျှောက်လှမ်းနေပါတယ်။
(၂) Lisa Bonet & Zoë Kravitz
Lisa Bonet ဟာ ဇာတ်လမ်းကောင်းများစွာနဲ့ ပရိသတ်တွေရဲ့အားပေးမှုကို ရရှိထားတဲ့ မင်းသမီးတစ်လက်ဖြစ်ပြီး ယခုအခါ သမီးဖြစ်သူ Zoë Kravitz က သူ့ခြေရာနင်းဖို့ဖြစ်လာခဲ့ပါပြီ။ သူမက မင်းသမီးအပြင်ကို အဆိုတော် မော်ဒယ်လ် ဒါရိုက်တာ အဖြစ်နဲ့ ဒီလောကကထဲကို ဝင်ရောက်လာတာဖြစ်ပါတယ်။
(၃) Madonna & Lourdes Leon
နောက်ထပ် အနုပညာရှင် သားအမိကတော့ Madonna နဲ့ Lourdes Leon တို့ဖြစ်ပါတယ်။ မိခင်ဖြစ်သူ Madonna က သူ့ရဲ့အသက်မွေးကျောင်း လမ်းတလျှောက် အထွတ်အထိပ်ရောက်ခဲ့သလိုပဲ Lourdes Leon ကလည်း သူ့မိခင်ရဲ့အောင်မြင်မှုကို ခြေရာနင်းနိုင်ဖို့ ကြိုးစားနေပါတယ်။
(၄) Reese Witherspoon & Ava Phillippe
နောက်ထပ် နာမည်ကြီး မင်းသမီးတစ်လက်ဖြစ်တဲ့ Reese Witherspoon ဟာ သူမရဲ့ သမီးဖြစ်သူ Ava Phillippe နဲ့ မကြာခဏ ဓာတ်ပုံတွဲရိုက်လေ့ရှိပြီးတော့ သမီးဖြစ်သူဟာလည်း မိခင်ရဲ့ လှပတဲ့ သွင်ပြင်ကိုဆက်ခံထားတဲ့ သူတစ်ယောက်ဖြစ်ပါတယ်။
(၅) Kris Jenner & Kendall Jenner
ကမ္ဘာကျော် စူပါမော်ဒယ်လ်ဖြစ်တဲ့ Kendall Jenner ဟာဆိုရင်လည်း မိခင်ဖြစ်သူ Kris Jenner နဲ့ ရုပ်ချင်းတော်တော်ဆင်ပါတယ်။ Kris Jenner ရဲ့ သမီးတွေအားလုံးထဲမှာ သူနဲ့အတူဆုံးလို့လည်း ပြောလို့ရပါတယ်။
