စစ်မှန်တဲ့အချစ်ရှိတာကို သက်သေပြခဲ့တဲ့  နာမည်ကြီးစုံတွဲ ၅ တွဲ

ပတ်ဝန်းကျင်မှာကြားနေရတဲ့ ဘယ်သူကတော့ လှည့်စားခံလိုက်ရတယ်၊ ဘယ်သူကတော့ ကွာရှင်းသွားပြီ ၊ ဘယ်သူကတော့ အိမ်ထောင်ရေးဖောက်ပြန်လို့ စတဲ့ စကားတွေ ကြားနေရတာ များလာတော့ အချစ်နဲ့ပတ်သတ်လာရင် စစ်မှန်တဲ့အချစ်နဲ့ ပျော်ရွှင်စရာကောင်းတဲ့ အချစ်ဆိုတာ စိတ်ကူးယဉ်ဆန်တဲ့အရာလားလို့တောင် မေးရလောက်အောင် ပါဘဲနော်။

စုံတွဲတွေ တွဲတာ ပြတ်တာ မြန်လွန်းလို့ အခုခေတ် ဘယ်သူနဲ့တွဲနေလဲဆိုတာကို လိုက်မမှီလောက်အောင်ဘဲ မြန်လွန်းနေကြလို့ စစ်မှန်တဲ့ချစ်ခြင်းမေတ္တာဆိုတာ ရှားပါးလွန်း နေပါပြီနော်။ ဒီနေ့ခေတ်လို အချစ်စစ်ဆိုတာ ရှိကောရှိသေးရဲ့လားလို့ မေးနေကြတဲ့ခေတ်ကြီးမှာ စစ်မှန်တဲ့အချစ်ရှိတာကို သက်သေပြခဲ့တဲ့ နာမည်ကြီးစုံတွဲတွေကို ဖော်ပြ ပေးလိုက်ပါတယ်နော်။

Tom Hanks and Rita Wilson

Tom Hanks နဲ့ Rita Wilson တို့ဟာ 1981 ခုနှစ် ABC Sitcom Bosom Buddies မှာ ပထမဆုံးတွေ့ဆုံခဲ့ပြီး Tom Hanks က Rita Wilson နဲ့  ဒုတိယအိမ်ထောင်အဖြစ်  1988 ခုနှစ် မှာလက်ထပ်ခဲ့ပါတယ်။

Kirk Douglas and Anne Buydens

အိမ်ထောင်သက် (၆၆) နှစ်ရှိပြီဖြစ်တဲ့ Kirk Douglas နှင့် Anne Buydens တို့ဟာ1953 ခုနှစ် ပါရီမှာ ဆုံတွေ့ခဲ့ပြီး အဲ့အချိန်မှာ Anne Buydens က ပြင်သစ် ပြည်သူ့ဆက်ဆံရေး ပညာရှင်တစ်ယောက်ပါ။

Kevin Bacon and Kyra Sedgwick

တွဲနေတာ နှစ်သုံးဆယ်ကျော်ကြာနေပြီဖြစ်တဲ့ အမိုက်စား A-list စုံတွဲ Kevin Bacon နဲ့  Kyra Sedgwick တို့ဟာ PBS ရဲ့ Lemon Sky ရိုက်ကူးရေးမှာ တွေ့ဆုံခဲ့ကြပြီး 1988 ခုနှစ်မှာ လက်ထပ်ခဲ့ကြပါတယ်။

Catherine Zeta-Jones and Michael Douglas

Kirk Douglas ရဲ့ သား Michael Douglas က Welsh မင်းသမီး Catherine Zeta-Jones နဲ့ လက်ထပ်ခဲ့ပြီး  အသက် 25 နှစ်ကွာဟနေပေမယ့် သူတို့ရဲ့ အချစ် စစ်မှန်ကြောင်း သက်သေပြရင်း ခုဆို မင်္ဂလာသက်တမ်း ၂၁ နှစ်ကျော်လာခဲ့ပါပြီ။

Steven Spielberg and Kate Capshaw

1984 ခုနှစ် Indiana Jones And The Temple Of Doom မှာ တွေ့ဆုံခဲ့တဲ့ နာမည်ကျော်ရုပ်ရှင်ဒါရိုက်တာ Steven Spielberg နဲ့ သူ့ရဲ့ဇနီးမင်းသမီး Kate Capshaw တို့ဟာ အခုဆိုရင် အိမ်ထောင်သက်အနှစ် 30 ကျော်နေတဲ့ ခိုင်မာတဲ့ အိမ်ထောင်ရေးတစ်ခုကို အတူတူတည်ဆောက်ထားဆဲပါ။