ကမ္ဘာကျော်ဆယ်လီတို့ရဲ့ ကော်ဇောနီထက်က အလန်းစား အမိုက်စား ဖက်ရှင်ဝတ်စုံများ

Trend ဆိုတာက မိတ်ကပ်ဖြစ်စေ ဖက်ရှင်ဖြစ်စေ နှစ်တွေဘယ်လိုပဲပြောင်းပြောင်း ပေါ်လိုက်ပျောက်လိုက်ချည်းပါပဲ။ အထူးသဖြင့် ဖက်ရှင်နဲ့ပတ်သက်လာရင် ရဲတင်းတဲ့သူတွေက မိုက်မယ်လို့ထင်ရင် စမ်းပြီး ဝတ်ကြည့်လိုက်ကြပြီး ကံကောင်းလို့ ရွေးချယ်မှုမှန်သွားရင်တော့ Hot ဖြစ်သွားတာပေါ့နော်။

ဆယ်လီတွေဆိုရင်တော့ ပုံမှန်လူအများစုသိကြတဲ့ ဖက်ရှင်စည်းမျဥ်းတွေကို ဘောင်ကျော်ပြီး ဖန်တီးမှုအသစ်သစ်တွေနဲ့ ပရိတ်သတ်တွေရှေ့မှောက်ကို ရောက်လာတတ်ကြပါတယ်။ သူတို့ကြောင့်လည်း တစ်နှစ်နဲ့တစ်နှစ် တစ်ခေတ်နဲ့တစ်ခေတ် မတူညီတဲ့ Trend တွေ ပေါ်လာရတာလည်း မဟုတ်ပါလား။

အခုတစ်ခါ MyStyle Myanmar ရဲ့ ပရိတ်သတ်ကြီးအတွက် ရွေးချယ်ထားတာကတော့ လူအများ စောင့်ကြည့်နေတဲ့ ကော်ဇောနီလျှောက်လမ်းထက်ကိုမှ ရဲတင်းတဲ့ ဖက်ရှင်ရွေးချယ်မှုတွေနဲ့ ထွက်လာခဲ့ကြတဲ့ အနုပညာရှင်တွေရဲ့ ပုံရိပ်တွေပဲဖြစ်ပါတယ်။

ဘယ်သူတွေက ဘယ်လိုမျိုးတွေနဲ့ ဟော့ဖြစ်ခဲ့သလဲဆိုတာ အခုပဲ အတူတူကြည့်လိုက်ရအောင်ပါ။

ဘာဘီစတား မင်းသမီး Margot Robbie ကတော့ သူမရဲ့ရုပ်ရှင် Babylon အတွက် Premiere ကို တစ်ကိုယ်လုံး ပုဝါတစ်ထည်ပတ်ပြီး တက်ရောက်ခဲ့တာပါ။ ရဲတင်းတဲ့ရွေးချယ်မှုဖြစ်ပေမယ့် အင်မတန်ကို ဖန်တီးမှုအားကောင်းခဲ့ပါတယ်။

Jennifer Lawrence wore flip-flops under her Christian Dior gown on the Cannes Film Festival red carpet.

မင်းသမီး Jennifer Lawrence ကတော့ ကိန်းရုပ်ရှင်ပွဲတော် ကော်ဇောနီကို တက်ရောက်ခဲ့ချိန်မှာ သူမရဲ့ Christian Dior ဂါဝန်နဲ့အတူ ခြေညှပ်ဖိနပ်ကို စီးဖို့အတွက် ရွေးချယ်ခဲ့ပါတယ်။

Katie Holmes wore a dress over a pair of jeans.

Dress အတိုကို ဂျင်းဘောင်းဘီနဲ့ တွဲဝတ်ခဲ့တဲ့ မင်းသမီး Katie Holmes

2022 ခုနှစ်တုန်းက Met Gala ပွဲကို Gucci Catsuit နဲ့ တက်ရောက်ခဲ့တဲ့ မင်းသမီး Dakota Johnson

အမိုက်စား ခန္ဓာကိုယ်အချိုးအစားနဲ့ Kylie Jenner ကတော့ 2022 ခုနှစ် Met Gala ပွဲကို သတို့သမီးဝတ်စုံနဲ့ ဘေ့စ်ဘောလျှာထိုးဦးထုပ်နဲ့အတူ တွဲဖက်ဝတ်ဆင်ပြီး တက်ရောက်ခဲ့ပါတယ်။

သူမရဲ့ အချိုးအစားကို ပေါ်လွင်စေမယ့် ရွှေရောင်ရင်ကာအချပ်ကို အနက်ရောက်ဂါဝန်နဲ့တွဲဖက်ပြီး ဝတ်ဆင်ခဲ့တဲ့ Olivia Wilde

ကမ္ဘာကျော်မော်ဒယ်လ် Heidi Klum ကိုတော့ သူမရဲ့ Stylist က Dress နဲ့ အသားကပ်ဘောင်းဘီ ဆင်တူတွဲစပ်ပေးခဲ့ပါတယ်။ ရုတ်တရက်ကြည့်ရင်တော့ ဆန်းပြားတဲ့ ဖက်ရှင်ရွေးချယ်မှုဖြစ်ပေမယ့်လည်း Heidi Klum က ဘာဝတ်ဝတ် ကြည့်ကောင်းပြီးသားဆိုတော့လည်း လှပြီးပေါ်လွင်နေသလိုပါပဲ။

၂၀၂၂ ခုနှစ် MTV Video Music Awards ပွဲကို ချိန်းကြိုးတွေ ခရစ်စတယ်တွေနဲ့ ဖန်တီးချုပ်လုပ်ထားတဲ့ ဝတ်စုံနဲ့တက်ရောက်ခဲ့တဲ့ Taylor Swift

Chloe Fineman ရဲ့ MTV Video Music Awards တုန်းက ဆန်းသစ်တဲ့ ဝတ်စုံဒီဇိုင်း

အမျိုးသားဝတ် Suit ကိုမှ လက်အိတ်အပြာအရင့်နဲ့ တွဲဖက်ဝတ်ဆင်ခဲ့တဲ့ Demi Moore

အသံချိုချိုအဆိုတော်မလေး Rihanna ကတော့ ၂၀၂၃ ခုနှစ် Met Gala ပွဲကို လုံးဝမိမိုက်တဲ့ ဖက်ရှင်နဲ့ တက်ရောက်ခဲ့တဲ့အပြင် သူမတပ်ခဲ့တဲ့ မျက်မှန်ကိုကြည့်မယ်ဆိုရင်လည်း မျက်တောင်နဲ့ပါ။