တရားထိုင်ခြင်းဟာ အခုချိန်မှာ အကျော်ကြားဆုံးနဲ့ လူသိအများဆုံး စိတ်လေ့ကျင့်ခန်းတစ်ခုအဖြစ် နာမည်ကြီးနေပါတယ်။
အရင်ကတော့ Meditation လုပ်သူတွေဟာ အာရှဒေသက ဖြစ်ပေမယ့် အခုဆို အနောက်ကမ္ဘာက ချမ်းသာကြွယ်ဝသူတွေနဲ့ မင်းသားမင်းသမီးတွေအကြားပါ တရားထိုင်တဲ့အလုပ်ကို လုပ်လာကြပြီ ဖြစ်ပါတယ်။
ဒါဟာ Meditation က ပေးတဲ့ အကျိုးကျေးဇူးကို လက်တွေ့သိလာကြတာကြောင့်လည်း ဖြစ်ပါတယ်။ နာမည်ကြီးပုဂ္ဂိုလ်တွေထဲက Meditation လုပ်တဲ့သူတချို့အကြောင်း ပြောပြချင်ပါတယ်။
(၁) Megan Fox
နာမည်ကျော် အမေရိကန်ရုပ်ရှင်မင်းသမီးတစ်လက်ဖြစ်တဲ့ Megan Fox ဟာ တရားထိုင်ခြင်းနဲ့ပတ်သက်ပြီး သင်တန်းတွေလည်း တက်သလို အနည်းဆုံး နာရီဝက်တော့ အချိန်ပေးဖြစ်တယ်လို့ ပြောပါတယ်။
(၂) Jessica Alba
မင်းသမီး Jessica Alba ကလည်း သူမရဲ့အလုပ်အကိုင်ကြောင့် စိတ်မငြိမ်တာတွေ၊ စိတ်ဂယောက်ဂယက်ဖြစ်တာတွေ၊ စိတ်ဖိစီးမှုတွေအတွက် တရားထိုင်ခြင်းကို စတင်ဖြစ်ခဲ့တာလို့ ဆိုပါတယ်။
(၃) Katy Perry
အဆိုတော် Katy Perry ကတော့ ကိုယ်ခန္ဓာကျန်းမာဖို့အတွက် စိတ်ကျန်းမာရေးကလည်း တထောင့်တနေရာကနေ အရေးကြီးတယ်ဆိုတာကို သိတဲ့အတွက်ကြောင့် တရားထိုင်ခြင်းကို အမြဲလုပ်ဆောင်တတ်ပါတယ်။
(၄) Jenna Dewan
အမေရိကန်မင်းသမီးနဲ့ အကမယ်ဖြစ်တဲ့ Jenna Dewan ဟာ တရားထိုင်ခြင်းဟာ သူမရဲ့ ရှုပ်ထွေးနေတဲ့ စိတ်တွေကို ငြိမ်သက်စေပြီး ငြိမ်းခြမ်းမှုရစေတဲ့အတွက်ကြောင့် သူမရဲ့အိပ်ခန်းထဲမှာကို နေရာတစ်ခုသီးသန့်ထားပြီး တရားထိုင်လေ့ရှိပါတယ်တဲ့။
(၅) Kelly Rowland
သူမဟာ ခရစ်ယာန်ဘာသာလူမျိုးဖြစ်တာမို့ အစကတော့ တရားထိုင်ခြင်းကို လုပ်မယ်ဆိုရင် တခြားဘာသာဖက်ကို ကူးပြောင်းသွားသလိုလို ထင်မှားရနိုင်ပေမယ့် တကယ်တမ်း လက်တွေ့ တရားထိုင်ကြည့်တဲ့အခါမှာတော့ ဘာသာရေးနဲ့မဆိုင်ဘဲ တရားထိုင်ခြင်းရဲ့ အကျိုးကျေးဇူးတွေကို နားလည်သဘောပေါက်ခဲ့တာဖြစ်ပါတယ်။
