အခုခေတ်မှာဆိုရင် တချိန်က အင်မတန်လူကြိုက်များခဲ့တဲ့ ကာတွန်းဇာတ်ကားတွေကို လူတွေနဲ့ ပြန်လည်အသက်သွင်းပြီး Live Action တွေ ရိုက်လာကြပါပြီနော်။ တချို့ကားတွေဆိုလည်း ပရိတ်သတ်တွေကြိုက်ကြသလို တချို့ကျတော့လည်း ဇာတ်ကောင်နဲ့ မလိုက်ဘူးဆိုပြီး ဝေဖန်ကြတာမျိုးလည်း ရှိကြပါတယ်။
လက်ရှိအချိန်ထိ ထွက်ရှိပြီးသမျှ နာမည်ကျော် ကာတွန်းဇာတ်ကားတွေထဲမှာ Live Action ပြန်ပြီး မရိုက်ရသေးတဲ့ ဇာတ်ကားတွေလည်း ရှိနေပါသေးတယ်။ ဖြစ်နိုင်ရင် မတူညီတဲ့ ပုံစံတမျိုးနဲ့ ကြည့်နိုင်အောင်လို့ Live Action ပြန်ပြီး ရိုက်စေချင်ကြပါတယ်။
ဒါဆိုရင်တော့ ကိုယ်ကြည့်ဖူးခဲ့တဲ့ ကမ္ဘာကျော် ကာတွန်းဇာတ်ကောင်တွေရဲ့ နေရာမှာသာ သရုပ်ဆောင်မယ်ဆိုရင် လိုက်ဖက်မှာသေချာတဲ့ အနုပညာရှင်တွေက ဘယ်သူတွေဖြစ်မလဲ၊ သရုပ်ဆောင်မယ်ဆိုရင်ရော လိုက်ဖက် မလိုက်ဖက် ဆိုတာကို အခုပဲ အတူတူကြည့်လိုက်ရအောင်ပါ။
Zayn Malik — Aladdin
Aladdin ဇာတ်ကားကတော့ Live Action ပြန်လည်ရိုက်ကူးပြီးသားဆိုပေမယ့်လည်း ပရိတ်သတ်တချို့အနေနဲ့ကတော့ Zayn သာ သရုပ်ဆောင်မယ်ဆို လိုက်ဖက်လောက်မလားဆိုပြီး ထင်ကြသူတွေလည်း ရှိနေပါသေးတယ်။
Jason Momoa — Maui
ကလေးလူကြီးအကြိုက် Moana ဇာတ်ကားကို ပြောမယ်ဆိုရင် Maui ကြီးကို ဘယ်လိုမှ ချန်ထားခဲ့လို့မရပါဘူးနော်။ Maui နေရာမှာ Jason Momoa သာ သရုပ်ဆောင်ဖြစ်ခဲ့မယ်ဆို လိုက်ဖက်မယ်လို့ ပရိတ်သတ်တွေရော ထင်ပါသလား။
Emma Stone — Ariel
The Little Mermaid ဆိုရင်လည်း Live Action ပြန်လည်ရိုက်ကူးပြီးသားပါပဲ။ ဒါပေမယ့် သူ့အကြိုက် ကိုယ့်အကြိုက်က မတူကြတော့ Ariel နေရာမှာ Emma Stone သာဆိုရင်ရော ဘယ်လိုနေမလဲဆိုပြီး ထင်ကြေးပေးနေကြသူတွေလည်း မနည်းပါဘူး။
Fabien Frankel — Flynn Rider
နောက်ထပ် Disney မင်းသမီးလေးဖြစ်တဲ့ ဆံရှည်မလေး Rapunzel ဇာတ်ကားသာ Live Action ရိုက်မယ်ဆိုရင် Flynn နေရာမှာ Fabien Frankel က သင့်တော်လောက်မလား။
Florence Pugh — Rapunzel
ဆံရှည်မလေး Rapunzel နေရာမှာတော့ မင်းသမီး Florence Pugh နဲ့ လိုက်ဖက်မယ်ဆိုပြီး AI နဲ့ သရုပ်ဖော်ထားပါတယ်။
Helena Bonham Carter — Cruella De Vil
101 Dalmations ထဲက နာမည်ကျော်ဗီလိန်ကာရိုက်တာ Cruella De Vil အဖြစ် Helena Bonham Carter သာဆိုရင် တော်တော်လိုက်ဖက်မှာပဲနော်။
Timothee Chalamet — Victor Van Dort
စာရေးသူကတော့ ဒီတစ်ခုကို သဘောအကျဆုံးပါပဲ။ The Corpse Bride ဇာတ်ကားထဲက Victor အဖြစ် Timothee ကို AI သရုပ်ဖော်ထားချက်က ပီပြင်လွန်းလို့ပါ။
Priyanka Chopra — Jasmine
Live Action ရိုက်ကူးပြီးသား Aladdin ရဲ့ မင်းသမီး Jasmine နေရာမှာ Priyanka Chopra ဆိုလည်း လိုက်မှာပဲဆိုပြီး တွေးကြပါသေးတယ်။
Zendaya — Moana
Moana ဇာတ်ကားသာ Live Action ပြန်ရိုက်ဖြစ်လို့ Moana အဖြစ် Zendaya သာ သရုပ်ဆောင်မယ်ဆို တော်တော်ပျော်မိမှာပါပဲ။ ဘာလို့လဲဆို Zendaya က Moana ဇာတ်ကောင်လို ဆံပင်စတိုင်ရော သီချင်းဆိုကောင်းတာရော တူညီနေလို့ ဇာတ်ကောင်နဲ့ အင်မတန်လိုက်ဖက်အောင် သရုပ်ဆောင်နိုင်မယ်လို့ ထင်ပါတယ်။
Image Source: BrightSide
