Barbie ရုပ်လေးလို ချစ်စရာကောင်းစေမယ့် ထသွားထလာ ဆံပင်စတိုင်များ

သင့်ဖက်ရှင်စတိုင်ကို ပြောင်းလဲစေမယ့် အရာတွေထဲမှာ ဆံပင်စတိုင်လည်း ပါဝင်ပါတယ်။ ကိုယ်ဝတ်တဲ့ အဝတ်အစား စတိုင်အလိုက် ဆံပင်ကို ပြောင်းတတ်တာကလည်း ပညာတစ်ခုပါပဲ။ ကိုယ့်ဆံပင်က ပိုလှနေရင် ကိုယ့်အဝတ်အစားစတိုင်ကိုပါ ပံ့ပိုးပေးနိုင်ပါတယ်။ သင်က နေ့ရက်အများစုမှာ ဆံပင်ပဲ ချနေမယ်ဆိုရင် ဒါက ကြာလာရင် ရိုးအီဖွယ် ဖြစ်လာနိုင်ပါတယ်။ အခုဖော်ပြထားတဲ့ ဆံပင်စတိုင်တွေကတော့ Barbie အရုပ်ကလေး တစ်ရုပ်လို သင့်ကို ပိုချစ်စရာကောင်းစေမယ့် ဆံပင်စတိုင်တွေ ဖြစ်ပါတယ်။ ဒီဆံပင်စတိုင်တွေနဲ့အတူ မိတ်ကပ်လှလှလေးပါ ပြင်လိုက်ရင် အလှဆုံး ဖြစ်သွားမှာပါ။ ဒီတော့ ကြည့်လိုက်ရအောင်နော်

ဆံပင်ကို နောက်ဘက်စုထားကာ ရှေ့အနည်းငယ် ချလိုက်တဲ့စတိုင်က လူငယ်ဆန်ဆန် အင်္ကျီလက်ပြတ် အဝတ်အစားတွေနဲ့ လိုက်သလို မြန်မာဝတ်စုံတွေနဲ့လည်း လိုက်ဖက်ပါတယ်။

ရှေ့ဘက် Bang ကို ဖြောင့်စက်နဲ့ ပုံသွင်းပြီး ကွေးကွေးလေး ထားတာက ဂါဝန်အရှည်လေး ဝတ်လိုက်ရင် ပိုလှသွားမှာပါ။