မကြာသေးခင်က အသက် (၂၅) နှစ်ပြည့်သွားခဲ့ပြီဖြစ်တဲ့ Twice အဖွဲ့ဝင် Main Dancer ဂျပန်မလေး Momo ဟာဆိုရင် အရပ် ၅ပေ၆လက်မရှိပြီး ရှည်ရှည်သွယ်သွယ်ခန္ဓာကိုယ်လေးကို ပိုင်ဆိုင်ထားသူဖြစ်ပါတယ်။ ဒီတစ်ခေါက်မှာ သူမလို အတော်အသင့်အရပ်မြင့်တဲ့ လူငယ်မိန်းကလေးတွေနဲ့လိုက်ဖက်ပြီး ထသွားထလာ ပေါ့ပေါ့ပါးပါးဝတ်နိုင်တဲ့ Momo ရဲ့ဖက်ရှင်လေးတွေကို မျှဝေပေးချင်ပါတယ်။ သူမရဲ့အမြင်ရှင်းရှင်းလေးနဲ့ အထာကျစေမယ့် ဝတ်ဆင်ပုံအတွဲအစပ်တွေကို စိတ်ဝင်စားရင် ကြည့်လိုက်ရအောင်နော်-

Momo ဝတ်ထားတဲ့ ဂျင်းအပြာဘောင်းဘီရှည်နဲ့ ခေါင်းစွတ်အင်္ကျီခါးတို ရောင်စုံလေးတွေ၊ ဂျင်းဝမ်းဆက်လေးတွေက ကလေးဆန်ပြီး ချစ်စရာကောင်းတဲ့ပုံစံလေးပေါ်စေပါတယ်။


ဒီလိုခေါင်းစွတ်အင်္ကျီအပါးလေးတွေကို ဘောင်းဘီရှည်အမဲနဲ့တွဲဝတ်တာကလည်း ပေါ့ပေါ့ပါးပါးနဲ့ စမတ်ကျနေစေပါတယ်။


လည်ပင်းညှပ်ရိုးအလှကို ထင်းနေစေမယ့် လည်ပင်းကျယ်အင်္ကျီတွေကို ဂျင်း ဒါမှမဟုတ် Style Pant တွေနဲ့တွဲစပ်ဝတ်ဆင်တာကလည်း ရှင်းရှင်းလေးနဲ့ ဆွဲဆောင်မှုရှိနေမှာပါ။


ဒီလို ဂျင်းအတိုလေးတွေကို တီရှပ်အင်္ကျီ၊ ခါးတိုအပါးအင်္ကျီတွေနဲ့တွဲဝတ်တာက မိန်းကလေးဆန်ပြီး ချစ်စရာကောင်းစေတဲ့စတိုင်လေးရစေပါတယ်။


မိန်းကလေးဆန်တာမျိုးထက် ပေါ့ပေါ့ပါးပါး Freestyle ဝတ်ချင်တဲ့ လူငယ်မိန်းကလေးတွေနဲ့လိုက်ဖက်စေမယ့် Oversized တီရှပ်နဲ့ ဘောင်းဘီအပွအတွဲအစပ်လေးတွေဖြစ်ပါတယ်။


လုံလုံခြုံခြုံဖက်ရှင်မျိုးကိုကြိုက်တတ်သူတွေအတွက် ဒီလို ဂျင်းဘောင်းဘီအရှည်ထဲကို အင်္ကျီထည့်ဝတ်တဲ့ပုံစံကလည်း ရိုးရိုးယဉ်ယဉ်လေးနဲ့ ကြည့်ကောင်းနေစေပါတယ်။

Photo Source: Pinterest

By MyStyle Myanmar