ထိပ်ပြောင်တဲ့သူတွေအတွက် ကြက်ဆူဆီကိုအသုံးပြုပြီး ကုသနိုင်မယ့်နည်းလမ်းကောင်းများ

ကြက်ဆူဆီက ဆံပင်ကျွတ်တာသက်သာစေပြီး ဆံပင်သန်စွမ်းစေတဲ့ အရာတစ်ခုဖြစ်တာကြောင့် ထိပ်ပြောင်ရင်လည်း ကြက်ဆူဆီကိုသုံးပြီး ဆံပင်ပေါက်လာအောင် လုပ်လို့ရပါတယ်။ ဒါကြောင့် ထိပ်ပြောင်တဲ့သူတွေအတွက် ကြက်ဆူဆီကိုအသုံးပြုပြီး ကုသနိုင်မယ့် နည်းလမ်းကောင်းတွေကို မျှဝေပေးလိုက်ပါတယ်။

နည်းလမ်း ၁

ပထမနည်းလမ်းကတော့ ဘာမှမလိုပါဘူး။ ကြက်ဆူဆီတစ်မျိုးပဲ လိုပါတယ်။ ကြက်ဆူဆီ – စားပွဲတင်ဇွန်း ၂ ဇွန်းကို စက္ကန့်ပိုင်းလောက် အပူပေးပြီး နွေးနွေးလေးဖြစ်လာပြီဆိုရင် ယူပြီးတော့ ဦရေပြားကို လိမ်းပေးရမှာပါ။ အဓိကကတော့ ထိပ်ပြောင်တဲ့နေရာကို လိမ်းပေးပါ။ ပြီးရင် ၁၀ မိနစ်လောက် ဦးရေပြားကို လက်ချောင်းနဲ့ Massage လုပ်ပေးပြီး မိနစ် ၃၀ ထားပါ။ ဒါမှမဟုတ် တစ်ညထားချင်လည်း ရပါတယ်။ အချိန်ပြည့်မှ Mild ဖြစ်တဲ့ Sulfate-free Shampoo နဲ့လျှော်ပေးပါ။

နည်းလမ်း ၂

ဒုတိယနည်းလမ်းကတော့ ကြက်ဆူဆီ – စားပွဲတင်ဇွန်း ၁ ဇွန်းနဲ့ အုန်းဆီ – စားပွဲတင်ဇွန်း ၂ ဇွန်းတို့ကို ရောမွှေပြီး ခုနကလိုပဲ အပူပေးပါ။ နွေးတဲ့အနေအထားကို ရောက်ပြီဆိုရင် ဦးရေပြားကို လိမ်းပေးပါ။ ဆံပင်အဖျားတွေကိုလည်း လိမ်းပေးပါ။ ၁၀ မိနစ်လောက် ဦးရေပြားကို လက်ချောင်းနဲ့ Massage လုပ်ပေးပြီး မိနစ် ၃၀ (သို့) တစ်ညထားပါ။ အချိြန်ပည့်ရင် Mild ဖြစ်တဲ့ Sulfate-free Shampoo နဲ့လျှော်ပေးပြီး Conditioner ထပ်သုံးပေးပါ။

နည်းလမ်း ၃

ထိပ်ပြောင်တဲ့နေရာက ဆံပင်ပြန်ပေါက်စေရုံတင်မဟုတ်ပဲ Fresh ဖြစ်သွားတဲ့ Feeling မျိုးလည်း ရချင်တယ်ဆိုရင်တော့ ဒီနည်းလမ်းကိုသုံးပါ။

ကြက်ဆူဆီ – စားပွဲတင်ဇွန်း ၂ ဇွန်းကို Lemon Essential Oil – လက်ဖက်ရည်ဇွန်း ၁ ဇွန်းနဲ့ ရောမွှေပြီး အပူပေးပါ။ နွေးသွားပြီဆိုရင် ဦးရေပြားမှာ လိမ်းပေးပြီး ၅ မိနစ်လောက် လက်ချောင်းလေးတွေနဲ့ Massage လုပ်နှိပ်နယ်ပေးပါ။ ပြီးရင် ၁၅ မိနစ်ထားပြီးမှ Mild ဖြစ်တဲ့ Sulfate-free Shampoo နဲ့လျှော်ပေးပြီး Conditioner ထပ်သုံးပေးပါ။
ဒီနည်းလမ်း ၃ မျိုးထဲက ကိုယ်အဆင်ပြေရာတစ်မျိုးကို ရွေးလုပ်နိုင်ပါတယ်။ တစ်ပတ်မှာ ၂ ကြိမ် ပုံမှန်လုပ်ပေးနိုင်ရင်တော့ အကောင်းဆုံးပါပဲ။