ကြိုးတစ်လုံးဂါဝန်လေးတွေကို အပေါ်ကနေ အမျိုးမျိုးထပ်ဝတ်လို့ရမယ့် အပေါ်ထပ်အင်္ကျီဖက်ရှင်များ

ကြိုးတစ်လုံးဂါဝန်လေးတွေကို အပေါ်ကနေ အမျိုးမျိုးထပ်ဝတ်လို့ရမယ့် အပေါ်ထပ်အင်္ကျီဖက်ရှင်တွေကို မျှဝေပေးလိုက်ပါတယ်။ ကြိုးတစ်လုံးအတိုင်း မဝတ်ချင်တဲ့အခါမှာဆိုလည်း ဒီဖက်ရှင်လေးတွေက အသုံးဝင်စေပါတယ်။ ဒါ့အပြင် ဖက်ရှင် ၂ မျိုးလည်း ဖြစ်စေပါတယ်။

ကြိုးတစ်လုံးဂါဝန်အတို အပွင့်လေးတွေဝတ်မယ်ဆိုရင် တော်တော်များများဝတ်နေကြတဲ့ ဒီလို cardigan လေးတွေနဲ့သာ တွဲဝတ်ပါ။ အရမ်းချစ်ဖို့ကောင်းပါတယ်။ ခရီးထွက်တဲ့အခါမှာလည်း အရမ်းလိုက်ဖက်တဲ့ ဖက်ရှင်လေးပါ။

ကြိုးတစ်လုံးဂါဝန်လေးတွေကို အပေါ်ကနေ ဂါဝန်နဲ့အရောင်တူတဲ့ cardigan လေးတွေ၊ ဒီလိုကြိုးချည် cardigan လေးတွေနဲ့လည်း တွဲဝတ်လို့ရပါတယ်။ ဒီလိုကြိုးချည် cardigan လေးဝတ်မယ်ဆိုရင် လေးထောင့်လည်ပင်းပုံစံ ဂါဝန်နဲ့မှ ပိုလိုက်တာပါ။

ကြိုးတစ်လုံးဂါဝန်လေးတွေကို အပေါ်ထပ်ဝတ်မယ်ဆိုရင် လက်ရှည်တွေပဲ ဝတ်လို့ရတာမဟုတ်ပါဘူး။ ဒီလို လက်တိုအင်္ကျီလေးတွေလည်း ထပ်ဝတ်လို့ရပါတယ်။ ရာသီဥတုပူရင် လက်ရှည်မဝတ်ပဲ ဒီလိုလက်တိုလေးထပ်ဝတ်တာက ပိုပြီးအဆင်ပြေသလို ချစ်ဖို့လည်း ကောင်းပါတယ်။

ကြိုးတစ်လုံးဂါဝန်ကိုမှ body fit အနက်လေးဝတ်မယ်ဆိုရင် ဖက်ရှင်တစ်မျိုးဆန်းသွားအောင် crop top shirt လက်တိုလေးကို ထပ်ဝတ်ကြည့်ပါ။ ဖက်ရှင်ကျပြီး ချစ်ဖို့ကောင်းစေပါတယ်။ Cardigan တွေချည်းပဲ ထပ်ဝတ်ရတာ ရိုးလာရင် ဒီလိုလေးလည်း ပြောင်းဝတ်ကြည့်ပါ။

ခုနကလို လက်တိုနဲ့မဝတ်ချင်ရင်လည်း crop top shirt လက်ရှည်အကွက်လေးတွေ ထပ်ဝတ်ကြည့်ပါ။ ဒါလည်း ဖက်ရှင်ကျပြီး ချစ်ဖို့ကောင်းစေတာပါပဲ။ ခရီးသွားတဲ့အခါတွေမှာလည်း အရမ်းအဆင်ပြေပါတယ်။

ကြိုးတစ်လုံးဂါဝန်ကိုမှ body fit အနက်ရောင် (သို့) အခုခေတ်စားနေတဲ့ ပိုးဖဲသား ကြိုးတစ်လုံးဂါဝန်တွေဝတ်ရင် အပေါ်ထပ်ကို ခပ်မိုက်မိုက် jacket လေးတွေ ဝတ်ကြည့်ပါ။ အရမ်းမိုက်ပြီး ဖက်ရှင်ကျစေပါတယ်။

အထာကျပြီးမိုက်တဲ့ပုံစံမျိုးလေး လိုချင်ရင်တော့ ကြိုးတစ်လုံးဂါဝတ်ကို အပေါ်ကနေ leather jacket လေးတွေ ထပ်ဝတ်ကြည့်ပါ။

ကြိုးတစ်လုံးဂါဝန်ကိုမှ body fit ဆိုရင်တော့ အပေါ်ကနေ coat အပွတွေ၊ coat အရှည်တွေ ထပ်ဝတ်လို့လည်း ရပါတယ်။ ဒါကတော့ ခရီးသွားတဲ့အခါမှာ အရမ်းမိုက်ပြီး စတိုင်ကျနေစေမယ့် ဖက်ရှင်ပါပဲ။