အားလုံးပဲမင်္ဂလာပါနော်။ ဟောလိဝုဒ်နဲ့ ပတ်သက်ပြီး နှံ့နှံ့စပ်စပ် ရှိကြသူတွေအနေနဲ့တော့ Punk, Rock ဘုရင်မလေး Avril Lavigne ကို သိကြမယ်၊ ရင်းနှီးကြမယ်လို့ ထင်ပါတယ်။
အသက် ၁၆ နှစ်အရွယ်ကတည်းက Arista Records ကုမ္မဏီနဲ့ အယ်လ်ဘမ်နှစ်ခုထုတ်ဖို့အတွက် စာချုပ်ချုပ်ဆိုခဲ့ပြီး သူမရဲ့ Debut အယ်လ်ဘမ်လည်းဖြစ်တဲ့ ၂၀၀၂ ခုနှစ်က ထွက်ရှိခဲ့တဲ့ Let Go အယ်လ်ဘမ်ဟာ ၂၁ ခုနှစ်အတွင်းမှာ ရောင်းအားအကောင်းဆုံးဖြစ်ခဲ့ပြီး ဒီလိုရလဒ်ကို ရရှိထားနိုင်တဲ့ ကနေဒါနိုင်ငံသား အနုပညာရှင်လည်းဖြစ်ပါတယ်။
သူမရဲ့ နာမည်အပြည့်အစုံကတော့ Avril Ramona Lavigne ဖြစ်ပြီး ၁၉၈၄ ခုနှစ် စက်တင်ဘာ ၂၇ ရက်နေ့မှာ ကနေဒါနိုင်ငံ Belleville မှာ မွေးဖွားခဲ့တာဖြစ်ပါတယ်။
၂၀၀၀ ခုနှစ် အစောပိုင်းမှာ အမျိုးသမီးတွေအတွက် ဦးဆောင်ပြီး Punk တေးဂီတလမ်းကြောင်းကို ဖောက်ပေးခဲ့သူတစ်ဦးဖြစ်လို့ “Pop Punk Queen” ဆိုတဲ့ နာမည်ကို ရရှိပိုင်ဆိုင်ထားတဲ့ ကောင်မလေးတစ်ယောက်ဖြစ်ပါတယ်နော်။
သူမရဲ့ လူသိများတဲ့ တေးသီချင်းတွေကတော့ Complicated, I’m With You, My Happy Ending, Girlfriend, Keep Holding On, What The Hell, When You’re Gone စတဲ့ တေးသီချင်းကောင်းတွေပဲ ဖြစ်ပါတယ်။
သူ့ကိုချစ်ကြတဲ့ ပရိသတ်တွေအတွက်ရော ဖက်ရှင်ချစ်သူတွေအတွက်ပါ Avril Lavigne ရဲ့ ဖက်ရှင်တွေကို မျှဝေပေးလိုက်ပါတယ်နော်။
Image Source: Pinterest
