အားလုံးပဲမင်္ဂလာပါနော်။ လက်ရှိ တေးသီချင်းချစ်သူ မမတွေ၊ ညီမလေးတွေရဲ့ အသည်းကျော် အဆိုရှင် Shawn Mendes ရဲ့ ဖက်ရှင်တွေကို မျှဝေပေးချင်ပါတယ်။

ကနေဒါနိုင်ငံသား အဆိုရှင်နဲ့ သီချင်းရေးသားသူဖြစ်ပါတယ်။

၂၀၁၃ ခုနှစ်ကစပြီး Cover သီချင်းတွေ သီဆိုရင်းနဲ့ ပရိသတ်တွေရဲ့ အားပေးမှုကို ရရှိခဲ့သူဖြစ်ပါတယ်။

အဲဒီနောက်ပိုင်းမှာ တေးသီချင်းထုတ်လုပ်သူတွေ မန်နေဂျာတွေရဲ့ စိတ်ဝင်စားမှုကိုခံခဲ့ရပြီး ၂၀၁၄ ခုနှစ်မှာ EP အခွေတစ်ခု ထွက်ရှိခဲ့ပါတယ်။ ၂၀၁၅ ခုနှစ်မှာတော့ Handwritten ဆိုတဲ့ တကိုယ်တော် တေးအယ်လ်ဘမ်ထွက်ရှိခဲ့ပြီး Stitches ဆိုတဲ့ သီချင်းက သိပ်ကိုအောင်မြင်ခဲ့တာပါ။

၂၀၁၆ ခုနှစ်မှာ Illuminate ဆိုတဲ့ ဒုတိယတေးအယ်လ်ဘမ်ထွက်ခဲ့ပါတယ်။ Treat You Better ၊ There’s Nothing Holdin’ Me Back စတဲ့ သီချင်းတွေကလည်း သိပ်ကိုအောင်မြင်ခဲ့ပါတယ်။

၂၀၁၈ မှာဆိုရင် Time မဂ္ဂဇင်းရဲ့ ကမ္ဘာ့လွှမ်းမိုးမှုအရှိဆုံး လူ ၁၀၀ စာရင်းထဲမှာ ထည့်သွင်းဖော်ပြခြင်းခံခဲ့ရပါတယ်။

Shawn Mendes ကို ၁၉၉၈ ခုနှစ် သြဂုတ်လ ၈ ရက်နေ့က ကနေဒါနိုင်ငံ Toronto မြို့မှာ မွေးဖွားခဲ့တာဖြစ်ပါတယ်နော်။

အရပ်အမြင့်ကတော့ ၁.၈၈ မီတာ ( ၆ပေ ၂ လက်မ)ရှိပါတယ်။

သူ့ရဲ့ ဖက်ရှင်တွေ့ ပေါ့ပေါ့ပါးပါးနဲ့လူငယ်ဆန်တဲ့ဖက်ရှင်တွေဖြစ်ပြီး ယောကျာ်းလေးတိုင်း အလွယ်တကူ လိုက်ဝတ်လို့ ရတဲ့ Gentleman ဆန်ဆန် ဖက်ရှင်လေးတွေဖြစ်တာကြောင့် သူ့ကိုအားပေးတဲ့သူတွေအတွက်ရော အားပေးလာမယ့် သူတွေအတွက်ရော Shawn Mendes ရဲ့ ဖက်ရှင်တွေကို မျှဝေပေးလိုက်တယ်နော်။

Photo: www.pinterest.com