အသားအရေ Skincare Product တွေထဲမှာ အခုနောက်ပိုင်း ဆန်ကို ထည့်သုံးလာတာ သင်သိပြီးဖြစ်မှာပါ။ Rice Cleanser, Rice Toner, Rice Hair Scrub, Rice Moisturizer စသဖြင့် အမျိုးမျိုး သုံးစွဲလာကြပါတယ်။ ဆန်ဆေးရေနဲ့ ဆန်က အသားအရေအတွက် အကျိုးများစွာ ပေးနိုင်ပါတယ်။ အသားအရေကို သန့်စင်ကြည်လင်စေတဲ့ Effectကို ဆန်က ပေးစွမ်းနိုင်ပါတယ်။
ဒီတစ်ခေါက်မှာတော့ အကုန်အကျ မများချင်တဲ့ ပျိုမေတို့အတွက် ဆန်ကိုသုံးကာ Budget Skincare နည်းလမ်းအဆင့်ဆင့်ကို ဖော်ပြပါရစေ။ ဒီနည်းလမ်းအတွက် ပါဝင်ပစ္စည်း နှစ်မျိုးလောက်ပဲ ပါဝင်တဲ့အပြင် ပြင်ဆင်ရတာ ရိုးရှင်းတာမို့ သင့်အတွက် လက်တွေ့မှာ အသုံးဝင်မှာပါ။ ဒီ Skincare မှာ ပါဝင်မယ့် အဆင့်က အဆင့် ၃ ဆင့်ပါ။
ပထမအဆင့်- Cleansing
Photo Source: Indian Makeup and Beauty Blog
ဆန်က မျက်နှာပေါ် အညစ်အကြေး၊ ဖုန်မှုန့်တွေကို ဖယ်ရှားပေးနိုင်ပါတယ်။ ဒါကြောင့် ဆန်ကို Facial Foam အစား သုံးနိုင်ပါတယ်။ ဒီအဆင့်အတွက် လိုအပ်တဲ့ ပစ္စည်းတွေကတော့- ဆန်မှုန့် ၁ ဇွန်းနဲ့ နွားနို့အစိမ်း ၂ ဇွန်းတို့ပါ။ ဒီနှစ်မျိုးကို သန့်ရှင်းတဲ့ ခွက်တစ်ခွက်ထဲ ရောထည့်ကာ မွှေပေးရပါမယ်။ မွှေပြီးနောက် သင့်မျက်နှာပေါ်မှာ ၂ မိနစ်ကနေ ၃ မိနစ် ပွတ်ပေးရပါမယ်။ ပြီးနောက် ပုံမှန်မျက်နှာသစ်သလိုပဲ မျက်နှာသစ်နိုင်ပါပြီ။
ဒုတိယအဆင့်- Toner အနေနဲ့
Photo Source: Pinterest
ဆန်မှာပါဝင်တဲ့ အာဟာရဓာတ်တွေက အသားအရေ pH Level ကို ထိန်းညှိပေးနိုင်ပါတယ်။ Rice Toner Product တွေကိုလည်း အလှကုန် ဈေးကွက်ထဲမှာ သင်တွေ့ဖူးမှာပါ။ အခုလုပ်မယ့် နည်းလမ်းမှာတော့- ဆန်နဲ့ ရေကိုပဲ လိုအပ်ပါတယ်။ ဆန်အနည်းငယ်ကို ရေထဲထည့်ဆေးပြီးနောက် နှစ်ကြိမ်မြောက်ရေကို ၂၄ နာရီ စိမ်ပေးထားရပါမယ်။ စိမ်ပြီး ရလာတဲ့ ဆန်ရေကို Spray ဘူး တစ်ဘူးထဲ ထည့်ပေးရပါမယ်။ ထည့်ပြီးနောက် သင့်မျက်နှာပေါ် Toner အနေနဲ့ အစားထိုးဖြန်းပေးရပါမယ်။
တတိယအဆင့်- Moisturizer
Photo Source: Stressbuster Naukrinama
အလွန်အသုံးဝင်တဲ့ ဆန်ကို Moisturizer Cream အနေနဲ့ပါ အသုံးပြုနိုင်ပါတယ်။ Rice က သင့်အသားအရေကို ကြည်လင်စိုပြေစေပါလိမ့်မယ်။ ဒီအတွက် လိုအပ်တဲ့ ပစ္စည်းတွေကတော့- Rice Water နှစ်ဇွန်းနဲ့ ရှားစောင်းလတ်ပတ်ဂျယ် သုံးဇွန်းတို့ပဲ ဖြစ်ပါတယ်။ ဒီနှစ်မျိုးကို ခွက်တစ်ခွက်ထဲ ရောပြီးနောက် မျက်နှာပေါ် လိမ်းနိုင်ပါပြီ။ မလိမ်းခင် ဒါကို သင့်လက်ပေါ်တင်ကာ ၁၅ စက္ကန့်ကနေ စက္ကန့် ၂၀ ပွတ်ပေးရပါမယ်။ ပြီးနောက် သင့်မျက်နှာပေါ်မှာ Moisturizer Cream အနေနဲ့ အသုံးပြုနိုင်ပါပြီ။
By MyStyle Myanmar
