ငွေအကုန်အကျသက်သာအောင် ကိုယ်တိုင်အလွယ်တကူလုပ်လို့ရတဲ့ Body Scrub လုပ်နည်းများ

Body Scrub လုပ်ပေးရင် အသားအရေ သိသိသာသာ ကြည်ပြီး စိုပြည်လာစေတယ်။ အသားကြည်လာတော့ အရင်ထက်ပိုဖြူသလိုလေး ဖြစ်လာစေတာပေါ့။ အရေပြားပေါ်က ဆဲလ်သေတွေကို ဖယ်ရှားပေးပြီး သွေးလည်ပတ်မှုလည်း ကောင်းမွန်စေပါတယ်။ ဒါကြောင့် တစ်ပတ် တစ်ကြိမ် (သို့) တစ်ပတ် နှစ်ကြိမ် ပုံမှန် body scrub လုပ်ပေးသင့်ပါတယ်။

Body scrub ကို အပြင်ကဝယ်သုံးရင် တစ်ဘူးဆို တစ်လပဲခံတာဆိုတော့ ငွေအကုန်အကျသက်သာအောင် အိမ်မှာ ကိုယ်တိုင်အလွယ်တကူလုပ်လို့ရတဲ့ body scrub လုပ်နည်းတွေကို မျှဝေပေးလိုက်ပါတယ်။

Coffee Scrub

Coffee scrub ကတော့ scrub တွေထဲမှာ လူကြိုက်အများဆုံးပါပဲ။ နေလောင်တာတွေ၊ အသားအရောင်မညီတာတွေ သက်သာစေပြီး အသားအရေ ကြည်လင်စေတယ်၊ အကြောပြတ်ရာတွေလည်း သက်သာစေတယ်၊ အမာရွတ်တွေလည်း ပါးသွားစေပါတယ်။

အိမ်မှာလုပ်မယ်ဆိုရင် ကော်ဖီမှုန့်အကြမ်းကို ခွက်ရဲ့ လေးပုံ ပုံ တစ်ပုံစာယူပြီး သံလွင်ဆီ – စားပွဲတင်ဇွန်း ၁ ဇွန်းနဲ့ သကြားညိုတို့ကို သင့်တော်သလောက်ထည့်ပြီး သမအောင်မွှေလိုက်ပါ။ ပြီးရင်တော့ body ကို scrub တိုက်လို့ရပါပြီ။

Oatmeal Honey Sugar Scrub

Oatmeal honey sugar scrub ကတော့ အသားခြောက်တဲ့သူတွေအတွက် အသားအရေ သိသိသာသာ စိုပြည်စေတယ်၊ အသားအရေအိအိလေး ဖြစ်စေပါတယ်။

အိမ်မှာလုပ်မယ်ဆိုရင် သကြားညို – ခွက်တစ်ဝက်စာ၊ သကြားဖြူ – ခွက်တစ်ခွက်စာ၊ Oats – ခွက်တစ်ဝက်စာ၊ ပျားရည် – ခွက်ရဲ့ လေးပုံ ပုံ တစ်ပုံစာ၊ safflower oil – ခွက်ရဲ့ လေးပုံ ပုံ သုံးပုံစာနဲ့ ကိုယ်ကြိုက်နှစ်သက်ရာ essential oil အနည်းငယ်တို့ကို သမအောင်မွှေလိုက်ပါ။ ပြီးရင်တော့ body ကို scrub တိုက်လို့ရပါပြီ။

Honey Lemon Sugar Scrub

Honey lemon sugar scrub ကတော့ အသားအရေ ကြည်လင်စေတယ်၊ အသားအရေ စိုပြည်စေတယ်၊ အမဲစက်၊ အမာရွတ်တွေ ပါးသွားစေပါတယ်။

အိမ်မှာလုပ်မယ်ဆိုရင် အုန်းဆီ – ခွက်ရဲ့ လေးပုံ ပုံ တစ်ပုံစာ၊ သံလွင်ဆီ – ခွက်ရဲ့ လေးပုံ ပုံ တစ်ပုံစာ၊ ပျားရည် – ခွက်ရဲ့ လေးပုံ ပုံ တစ်ပုံစာ၊ သကြားဖြူ – ခွက်တစ်ခွက်စာ၊ သကြားညို – ခွက်တစ်ဝက်စာနဲ့ သံပုယိုရည် – တစ်လုံးကိုအရည်ညှစ်ချပြီး သမအောင်မွှေလိုက်ပါ။ ပြီးရင်တော့ body ကို scrub တိုက်လို့ရပါပြီ။