မိတ်ကပ်ပြင်တော့မယ်ဆိုရင် Makeup Brush တွေက အရမ်းအရေးပါပါတယ်။ ဒီတိုင်းလက်တွေနဲ့သုံးတာထက် Brush နဲ့သုံးတာက ပိုပြီးသပ်သပ်ရပ်ရပ်နဲ့ ပိုလှပါတယ်။ ဒါကြောင့် မိတ်ကပ်ပြင်ဖို့အတွက် အဓိကလိုအပ်တဲ့ Makeup Brush (၅) မျိုးကို ဖော်ပြပေးလိုက်ပါတယ်။ Makeup Brush တွေ အများကြီးမဝယ်ချင်ရင် ဒါလေးတွေပဲဝယ်ထားလို့ အဆင်ပြေတာပေါ့။
Foundation brush
အောက်ခံမိတ်ကပ် Foundation ကိုလိမ်းတဲ့အခါမှာ Foundation brush ကိုသုံးပြီးလိမ်းရင် မိတ်ကပ်သား ပိုလှပြီး ညက်ညက်လေးနဲ့ ပိုကြည့်ကောင်းစေပါတယ်။ မိတ်ကပ်ကွက်တာ၊ မညီတာမျိုးလည်း မဖြစ်စေပါဘူး။
Powder brush
အောက်ခံမိတ်ကပ်လိမ်းပြီးလို့ Powder ပုတ်တော့မယ်ဆိုရင် သူ့မှာပါတဲ့ Puff နဲ့ လိမ်းတာက ဖုန်ဖုန်ကြီး ထူသလို ဖြစ်သွားစေပါတယ်။ Powder brush ကိုသုံးပြီး လိမ်းမယ်ဆိုရင်တော့ ပါးပါးလေးနဲ့ ပိုပြီး လှစေပါတယ်။ ကွက်တာ၊ မိတ်ကပ်ထူသွားတာမျိုးလည်း မဖြစ်တော့ပါဘူး။
Flat brush
Flat brush တွေကတော့ eyeshadow ခြယ်ဖို့အတွက် အရမ်းအသုံးဝင်ပါတယ်။ ခြယ်လို့လည်း အရမ်းကောင်းပါတယ်။ Eyeshadow ခြယ်မယ်ဆိုရင် Flat brush ကို မရှိမဖြစ် ဆောင်ထားသင့်ပါတယ်။
Blending brush
အရေးပါတဲ့ Makeup brush ထဲမှာ Blending brush လည်း ပါပါတယ်။ Eyeshadow ခြယ်ထားတာကို blend လုပ်ချင်တဲ့အခါမှာပဲဖြစ်ဖြစ်၊ နှာတံဖော်တဲ့အခါမှာပဲဖြစ်ဖြစ် အရမ်းအသုံးဝင်ပါတယ်။
Lip brush
နှုတ်ခမ်းနီကို ဒီတိုင်းပဲဆိုးလို့ရပေမယ့် ကိုရီးယားမလေးတွေလို အတွင်းသားကိုတစ်မျိုး၊ အပြင်ဘက်ကိုတစ်မျိုး ဆိုးချင်တဲ့အခါတွေနဲ့ နှုတ်ခမ်းကို သပ်သပ်ရပ်ရပ်လေး ပုံဖော်ပြီး ဆိုးချင်တဲ့အခါတွေမှာဆိုရင်တော့ Lip brush လိုပါတယ်။
