Hometown Cha-Cha-Cha ဇာတ်လမ်းထဲက Kim Seon-ho နဲ့ Shin Min-a ရဲ့ အမောပြေအပြုံးပုံရိပ်များ

ကြည့်ရှုသူအများဆုံး ကိုးရီယားဒရာမာ ဇာတ်လမ်းတွေထဲမှာ “Hometown Cha-Cha-Cha” ဇာတ်လမ်းလည်း ပါဝင်ပါတယ်။ Episode တစ်ပိုင်းနဲ့ တစ်ပိုင်း ဘာတွေဖြစ်လာမလဲ စိတ်ဝင်တစားနဲ့ ကြည့်ရတဲ့အပြင် မင်းသား Kim Seon-ho နဲ့ မင်းသမီး Shin Min-a ရဲ့လိုက်ဖက်မှု Chemistry ကို ကြည့်ရတာလည်း ကြည်နူးစရာပါပဲ။ ပါဝင်သရုပ်ဆောင်ထားတဲ့ အဓိက ဇာတ်ဆောင်နှစ်ဦးလုံးမှာ ပါးချိုင့်လေးတွေ ပါဝင်ပြီး သူတို့ ပြုံးလိုက်တိုင်း ကြည့်ရှုသူ ပရိတ်သတ်ရဲ့ ရင်ကို အေးမြစေပါတယ်။ ဒီတစ်ခေါက်မှာတော့ Hometown ဒရာမာ ပရိတ်သတ်တွေ အမောပြေစေဖို့ Kim Seon-ho နဲ့ Shin Min-a ရဲ့ အပြုံးပုံရိပ်တွေကို ဖော်ပြပါရစေ။

နှစ်ယောက်လုံးရဲ့ အပြုံးလေးမှာ အကြည်ဓာတ်အပိုဆောင်း ပါဝင်တာကို ပရိတ်သတ်တိုင်း သိပြီးဖြစ်မှာပါ။ Elle Magazine Interview မှာတော့ မင်းသမီး Shin Min-a က ဒီဇာတ်လမ်း လက်ခံခဲ့ပုံကို ပြောပြခဲ့ပါသေးတယ်။ “ဒီဇာတ်လမ်းက နွေးထွေးတဲ့ ဇာတ်လမ်းလေးပါ၊ ပါဝင်တဲ့ ဇာတ်ကောင်တိုင်းက ရုပ်လုံးကြွပြီး အသက်ဝင်လို့ရွေးချယ်ခဲ့တာပါ” လို့ Shin Min-a က ဖြေခဲ့ပါတယ်။

မင်းသား Kim Seon-ho ကလည်း ဇာတ်လမ်းရိုက်ကူးစဉ် လေတိုက်လွန်းတဲ့ ရာသီဥတုနဲ့ ကြုံခဲ့ပုံကို ဟာသနှောဖြေခဲ့ပါသေးတယ်။ “ကျွန်တော် Hong Doo Sik အနေနဲ့ သရုပ်ဆောင်ခဲ့တုန်းက ဆံပင်က လေကြောင့် ငှက်သိုက်လို ဖြစ်နေတာ၊ အင်္ကျီတွေ တွန့်ကြေတာကိုတောင် ဒါရိုက်တာက အဆင်ပြေတယ်လို့ ပြောခဲ့တယ်ဗျ..သဘာဝကျကျ ရိုက်ချင်တာထင်တယ်” လို့ ပြောခဲ့ပါသေးတယ်။