တချို့မိန်းကလေးတွေ Crop ဝတ်ရင်လည်း ရင်ဘတ်က နေရာတကျနဲ့ ဆွဲဆောင်မှု ရှိရှိ လှကြတာကို သင်အားကျဖူးမှာပါ။ အလှအပ Group တွေထဲမှာ သူက ဘယ် ဘရာအမျိုးအစားကို ဝတ်တာလဲ မေးကြတဲ့ မေးခွန်းတွေကို သင်မြင်ဖူးမှာပါ။ သင်ကိုယ်တိုင်လည်း ဘယ်ဘရာ အမျိုးအစားနဲ့ ဘယ်အင်္ကျီကို တွဲဝတ်ရင် လှမလဲ မေးခွန်းထုတ်ဖူးမှာပါ။ ဒီတစ်ခေါက်မှာတော့ အင်္ကျီအမျိုးအစားအလိုက် ရင်ဘတ်နေရာ ပိုဆွဲဆောင်မှု ရှိနေဖို့ တွဲဖက်သင့်တဲ့ ဘရာပုံစံတွေကို ဖော်ပြပါရစေ။

၁။ တီရှပ်အင်္ကျီ

သင်က တီရှပ်အင်္ကျီဝတ်နေကျဆိုရင်တော့ ဘရာ အမျိုးအစားက ရှင်းပါတယ်။ တီရှပ်ဘရာကို ဝတ်ပေးဖို့ လိုပါတယ်။

၂။ ရှပ်အင်္ကျီ

ရှပ်အင်္ကျီလက်ရှည်လေးတွေ ပေါ့ပေါ့ပါးပါး ဝတ်လေ့ရှိသူဆိုရင်တော့ Bralette Bra အမျိုးအစားမျိုး ရွေးသင့်ပါတယ်။

၃။ ကြိုးတစ်ချောင်း အင်္ကျီ

ကြိုးတစ်ချောင်း အင်္ကျီဝတ်တဲ့ ပျိုမေတို့အဖို့ ကြိုးပျောက် ဘရာ Strapless Bra ကို မမေ့သင့်ပါဘူး။ အင်္ကျီလက်ပြတ် ဝတ်ရတာ သဘောကျတဲ့ ပျိုမေတို့အနေနဲ့ အနည်းဆုံး Strapless Bra တစ်ထည်လောက်တော့ ပိုင်ဆိုင်ထားသင့်ပါတယ်။

၄။ ကျောပြောင်အင်္ကျီ

ကျောပြောင် ပုံစံ အင်္ကျီတွေက အင်မတန် ဆွဲဆောင်မှု ရှိပါတယ်။ သင်က ကျောပြောင် အင်္ကျီဝတ်မယ်ဆိုရင်တော့ Adhesive Bra အမျိုးအစားကို စဉ်းစားသင့်ပါတယ်။

၅။ လည်ပင်းကျယ်တဲ့ အင်္ကျီ

လည်ပင်း အကျယ် V Shape သွားတဲ့ အင်္ကျီစတိုင်မျိုးနဲ့ ရိုးရိုး ဘရာက ဘယ်လိုမှ အဆင်မပြေပါဘူး။ ဒါအတွက်တော့ Plunge Bra စတိုင်ကို လိုအပ်ပါတယ်။

၆။ Off Shoulder Blouse, လည်ပင်းအစည်း အင်္ကျီ

ပခုံးအလှကို အဓိက ပြဖို့ ရည်ရွယ်တဲ့ အင်္ကျီတွေဖြစ်တဲ့ Off Shoulder, လည်ပင်းအစည်း အင်္ကျီတွေကိုတော့ Strapless Bra နဲ့ တွဲနိုင်ပါတယ်။

Photo Source: Pinterest

By MyStyle Myanmar