ခန္ဓာကိုယ်အကြောတွေ ပျော့ပြောင်းစေဖို့ ကူညီပေးမယ့် ယောဂကျင့်စဉ် ၇ မျိုး

ခန္ဓာကိုယ်အကြောတွေတင်းနေလို့၊ တချို့ အကြောပျော့တဲ့သူတွေကို အားကျလို့ဆိုတဲ့သူတွေအတွက် ခန္ဓာကိုယ်အကြောတွေ ပျော့ပြောင်းစေဖို့ ကူညီပေးမယ့် ယောဂကျင့်စဉ် ၇ မျိုးကို ဖော်ပြပေးလိုက်ပါတယ်။ ခန္ဓာကိုယ်အကြောတွေ ပျော့ပြောင်းနေရင် နေရတာလည်း ပေါ့ပါးသွက်လက်သလို ခံစားရပါတယ်။ ဒါ့အပြင် ဒီယောဂကျင့်စဉ်တွေက stress တွေလည်း လျော့ကျစေဖို့ ကူညီပေးပါတယ်။

Intense side stretch

ခြေထောက်တစ်ဖက်ကို နောက်နည်းနည်းဆုတ်၊ နောက်ခြေထောက်တစ်ဖက်ကို အရှေ့ဆန့်ပြီး ခါးထောက်ပြီးမတ်လိုက်၊ အရှေ့ကို ကုန်းချလိုက်နဲ့ လုပ်ပေးရပါမယ်။ ကုန်းတဲ့အခါမှာ လက်နှစ်ဖက်က အရှေ့ထုတ်ထားတဲ့ ခြေထောက်ရဲ့အရှေ့ကို ရောက်ရပါမယ်။ အဲ့အတိုင်း စက္ကန့် ၃၀ ကနေ ၁ မိနစ်အထိ လုပ်ပေးနိုင်ပါတယ်။

Head to knee

ပုံမှာပြထားတဲ့အတိုင်းထိုင်ပြီး လက်နှစ်ဖက်ကိုလျှောချပြီး ခါးကိုင်းပေးလိုက်၊ ပြန်မတ်လိုက်နဲ့ လုပ်ရမှာပါ။ ၁ မိနစ်ဆက်တိုက်လုပ်ပေးပြီး အချိန်ပြည့်ရင် နောက်တစ်ဖက်ပြောင်းပြီး ၁ မိနစ်ထပ်လုပ်ရမှာပါ။

Cat-Cow

ပုံမှာပြထားတဲ့အတိုင်း Cat-Cow pose အတိုင်း ၁ မိနစ်ပြည့်အောင် ဆက်တိုက်လုပ်ပေးရမှာ ဖြစ်ပါတယ်။

Bow Pose

ခြေထောက်နှစ်ဖက်ကိုကွေးပြီး လက်နဲ့ကိုင်ကာ ခန္ဓာကိုယ်အပေါ်ပိုင်းကို အပေါ်မော့လိုက်၊ အောက်ပြန်ချလိုက်နဲ့ လုပ်ပေးရမှာပါ။ စက္ကန့် ၃၀ ဆက်တိုက်လုပ် ခဏနား ပြီးရင် စက္ကန့် ၃၀ ဆက်တိုက် ထပ်လုပ်ပေးပါ။

Low lunge

ဒါကတော့ လွယ်ပါတယ်။ ပုံမှာပြထားတဲ့အတိုင်း စက္ကန့် ၃၀ နေပေးရုံပါပဲ။

Wide-angle seated forward bend

ခြေထောက်ကို ကိုယ်ကားနိုင်သလောက်ကားထားပြီး လက်နှစ်ဖက်ကို အရှေ့ဆန့်ထုတ်ထားပါ။ ပြီးရင် ခေါင်းငုံ့ထားပြီး ၁ မိနစ် (သို့) ၂ မိနစ်နေပေးပါ။

Cow Face Pose

ပခုံးကြောတွေ ပျော့ပြောင်းစေဖို့ ပုံမှာပြထားတဲ့အတိုင်း လက်ကိုလုပ်ပေးရမှာဖြစ်ပါတယ်။ စက္ကန့် ၃၀ ဆက်တိုက်လုပ်ပေးရမှာပါ။ အချိန်ပြည့်ရင် ဘယ်ညာပြောင်းပြီး နောက်ထပ် စက္ကန့် ၃၀ ထပ်လုပ်ပေးပါ။