မင်္ဂလာပါနော်…ဘောလိဝုဒ်ရုပ်ရှင်ချစ်သူတွေ ဘောလိဝုဒ်မင်းသမီးလေး Katrina Kaif ကို မှတ်မိကြမှာပါနော်။ ဒီတခါမှာတော့ MyStyle Myanmar ရဲ့ အနုပညာရှင်ဖက်ရှင်ကဏ္ဍမှာတော့ ဘောလိဝုဒ်မင်းသမီးလေး Katrina Kaif ကိုရွေးချယ်ပြီး ပြောပြပေးချင်ပါတယ်နော်။
သူမကို ၁၉၈၃ ခုနှစ် ဇူလိုင်လ ၁၆ ရက်နေ့က ဟောင်ကောင်မှာမွေးဖွားခဲ့တာဖြစ်ပါတယ်။ ဖခင်က ဗြိတိသျှဖြစ်ပြီး မိခင်က အိန္ဒိယဖြစ်ပါတယ်။
အသက် ၁၄ နှစ်မှာ လက်ဝတ်ရတနာနဲ့ ပတ်သက်လို့ မော်ဒယ်လုပ်ရင်း လန်ဒန်မှာ မော်ဒယ်အဖြစ်လုပ်ကိုင်ခဲ့တဲ့သူဖြစ်ပြီး လန်ဒန်ဖက်ရှင် ရက်သတ္တပတ်မှာလည်း ပါဝင်လျှောက်လှမ်းခဲ့သူလည်းပဲ ဖြစ်ပါတယ်နော်။ နောက်ပိုင်းမှာတော့ Boom ရုပ်ရှင်ဇာတ်ကားအတွက် ရွေးချယ်ခံခဲ့ရပြီး ဘောလိဝုဒ်ရုပ်ရှင်လောကဖက်ကို ရောက်ရှိခဲ့သူဖြစ်ပါတယ်။
အရပ်အမြင့် ၁.၇၃ မီတာ (၅ပေ ၈.၁၁ လက်မ)ရှိပြီး အရပ်မြင့်မြင့်နဲ့ ဆွဲဆောင်မှုရှိသူတစ်ဦးဖြစ်ပါတယ်။ ရုပ်ရှင်ဇာတ်ကားတွေ ဆက်တိုက်ဆိုသလို ရိုက်ကူးနေပြီး အောင်မြင်မှုတွေ အများကြီးရရှိထားသူလည်းဖြစ်ပါတယ်။
ဘောလိဝုဒ် ရုပ်ရှင်ချစ်သူတွေ ရင်းနှီးကြပြီး အားပေးချင်ခင်ကြတဲ့ မင်းသမီး Katrina Kaif ရဲ့ Dress ဖက်ရှင်တွေကို မျှဝေပေးလိုက်ပါတယ်နော်…
Photo Source: Pinterest
