ခန္ဓာကိုယ်မှာပေါက်တဲ့ fungal acne တွေ၊ အထူးသဖြင့် ကျောမှာပေါက်လေ့ရှိတဲ့ fungal acne တွေကို သက်သာအောင်လုပ်နိုင်မယ့် နည်းလမ်းတွေကို မျှဝေပေးလိုက်ပါတယ်။ အိမ်မှာပဲလုပ်လို့ရမယ့် နည်းလမ်းတွေဖြစ်တာကြောင့် လူတိုင်းအတွက် လုပ်ရတာအဆင်ပြေမှာပါ။
Tea tree oil
Fungal acne အတွက်တော့ tea tree oil က အကောင်းဆုံးပါပဲ။ သုံးရမယ့်ပုံစံကတော့ tea tree oil – ၂ စက်နဲ့ olive oil – ၁၂ စက်တို့ကို ရောမွှေပြီး cotton pad နဲ့ယူကာ fungal acne ရှိတဲ့နေရာကိုပွတ်ပေးပြီး ခြောက်အောင်ထားပါ။
Anti-dandruff shampoo
ရင်ဘတ်၊ ကျောနဲ့ လက်မောင်းတွေမှာ ပေါက်လေ့ရှိတဲ့ fungal acne တွေဆိုရင် ဗောက်ပျောက်ဖို့အတွက်ထုတ်ထားတဲ့ anti-dandruff shampoo တွေသုံးပေးရင် သက်သာသွားစေပါတယ်။ ရေချိုးရင် ဆပ်ပြာသုံးသလိုပါပဲ fungal acne ဖြစ်နေတဲ့နေရာကို ပွတ်တိုက်ပြီး ၅ မိနစ်လောက်ထားပါ။ အချိန်ပြည့်ရင် ရေချိုးချလိုက်ပါ။ ရေချိုးပြီးရင် towel နဲ့ ဖွဖွလေးသုတ်ပြီး lotion ပြန်လိမ်းပေးပါ။
Sulphur
Sulphur ပါတဲ့ skincare တွေကိုသုံးပေးခြင်းက ဆဲလ်သေတွေကို ဖယ်ရှားပေးပြီး fungal acne တွေကိုလည်း ပါးသွားစေပါတယ်။ sulphur ပါတဲ့ ဆပ်ပြာ၊ မျက်နှာသစ်ဆေးနဲ့ scrub တွေကို သုံးပေးလို့ ရပါတယ်။ ဒါပေမယ့် sulphur က အသားခြောက်စေလို့ moisturizer ပြန်လိမ်းပေးဖို့တော့ လိုပါတယ်။
Salicylic acid
Salicylic acid က ဝက်ခြံအတွက် အကောင်းဆုံးတစ်ခုပါပဲ။ ခန္ဓာကိုယ်မှာပေါက်တဲ့ fungal acne တွေအတွက်ဆိုလည်း salicylic acid နဲ့လုပ်ထားတဲ့ body wash, body shower gel, cleanser, spot-treatment စတာတွေကို သုံးပေးရင် သက်သာလာပါလိမ့်မယ်။ ဒါပေမယ့် salicylic acid ကလည်း အသားခြောက်စေတဲ့အတွက် နောက်ကနေ moisturizer ပြန်လိမ်းပေးဖို့တော့ လိုပါမယ်။
