အင်္ကျီဆင်တူပေမယ့် Fashion Vibe နှစ်မျိုးထွက်တဲ့ Jennie နဲ့ Jung Ho Yeon

အခင်ဆုံး သူငယ်ချင်းတွေ ဖြစ်တဲ့ Jennie နဲ့ Jung Ho Yeon က တစ်ယောက်နဲ့ တစ်ယောက် တူတဲ့အချက်လေးတွေ အများကြီးရှိပါတယ်။ ဒီထဲဖက်ရှင်ရွေးချယ်မှုလည်း ပါဝင်ပါတယ်။

နာမည်ကျော် Squid Game ဇာတ်ကားက Jung Ho Yeon ရဲ့ ပထမဆုံး ပွဲဦးထွက် ဇာတ်လမ်းဖြစ်ပါတယ်။ သူမက ဒီဇာတ်လမ်းထဲ ကစားသမား နံပါတ် 067 ဂန်ဆယ်ဗျော အနေနဲ့ သရုပ်ဆောင်ထားပါတယ်။ Jennie က ချစ်ရတဲ့သူငယ်ချင်းရဲ့ Squid Game ရိုက်ကွင်းရှိရာဆီ မုန့်ကား ပို့ပေးခဲ့ပြီး ကိုယ်တိုင်လည်း သွားခဲ့ပါသေးတယ်။

အခုလည်း ဖက်ရှင်ဝတ်ဆင်ပုံမှာ သူငယ်ချင်းနှစ်ဦးက တူနေပါသေးတယ်။ Jennie က ဒီ Chanel Top ကို July 2018 ထုတ် Cosmopolitan မဂ္ဂဇင်းမှာ ဝတ်ခဲ့တာပါ။ တောက်ပတဲ့ အရောင်တွေ ပေါင်းစပ်မှုနဲ့ သူမရဲ့ Visual ကနွေဦး Vibe ကို ပေးစွမ်းနိုင်ပါတယ်။

သူမက Top ကို ခါးရှည်ဘောင်းဘီအပွနဲ့ တွဲစပ်ဝတ်ထားပြီး ပန်းရောင် ဒေါက်ချွန်ဖိနပ်နဲ့ အဆုံးသတ်ထားပါတယ်။

Chanel ရဲ့ 2018 Spring Ready-To-Wear Fashion Show မှာတော့ Jung Ho Yeon က 3021 ခုနှစ်လာ အာကာသဘုရင်မ အနေနဲ့ Runway လျှောက်ခဲ့ပါတယ်။ သူမက နေကာမျက်မှန်အနက်နဲ့ ကြည်လင်တဲ့ အပြင်ထပ် Accessories တွေကိုပါ တွဲဖက် ဝတ်ဆင်ထားပါတယ်။

Jennie လို အပေါ် Top ဦးစားပေးတာမျိုးမဟုတ်ဘဲ Ho Yeon ကတော့ ခပ်ကြမ်းကြမ်း Texture နဲ့ အရောင်တူ ဘောင်းဘီတိုကို တွဲဖက်ဝတ်ဆင်ထားပါတယ်။ သူမရဲ့ မိတ်ကပ် Look က ဆံပင်အရောင်နဲ့ လိုက်ဖက်အောင် တောက်ပနေပါသေးတယ်။