အဆီဖုက မိန်းကလေးပဲဖြစ်ဖြစ်၊ ယောင်္ကျားလေးပဲဖြစ်ဖြစ် အသားအရေကို ဂရုမစိုက်ဖြစ်ရင်တော့ ကြုံတွေ့နိုင်ပါတယ်။ အဆီဖုကလည်း ထွက်ပြီဆိုရင် တစ်ဖု၊ နှစ်ဖုမဟုတ်ပဲ အပြုံလိုက်ကို ထွက်တတ်ပါတယ်။ ဒီလိုအဆီဖုတွေထွက်ရတဲ့ အဓိကအဖြစ်အများဆုံး အကြောင်းအရင်းကတော့ ဒီ၃ မျိုးပဲရှိပါတယ်နော်။ ဒီအရာတွေကို သေချာသိထားပြီး ဆင်ခြင်လိုက်ရင်တော့ အဆီဖုတွေ လျော့နည်းပျောက်ကင်းလာမှာပါနော်။
စိတ်ဖိစီးမှု
စိတ်ဖိစီးမှုတွေ စိတ်ညစ်စရာတွေ များနေရင်လည်း အဆီဖုတွေ အများကြီးထွက်လာပါတယ်။ အိပ်ရေးတွေပျက်ပြီး Stress တွေများတဲ့အခါမှာ အဆီဖုနဲ့ ဝက်ခြံတွေ ထွက်လာတာ သဘာဝပါပဲ။ အဲ့တော့ အိပ်ရေးအပျက်မခံပါနဲ့။ Stress ရှိရင် ယောဂကျင့်ပြီး Relax လုပ်ပါ။
ဟိုမုန်းအပြောင်းအလဲ
ဟိုမုန်းအပြောင်းအလဲကြောင့်လည်း အဆီဖုတွေ အများကြီးထွက်လာတာမျိုး ဖြစ်လေ့ရှိပါတယ်။ ဒါကတော့ အဖြစ်အများဆုံးပေါ့။ အဆီဖုတွေထွက်တာနဲ့ပဲ ဟို Skincare စမ်းသုံး၊ ဒီ Skincare စမ်းသုံး မလုပ်ပါနဲ့။ ဘာကြောင့် ဖြစ်တာလဲကို အရင်သိအောင်လုပ်ပါ။
Lifestyle Habits
နောက်အဖြစ်အများဆုံးတစ်ခုကတော့ သင့် Lifestyle Habits ကြောင့်ပါပဲ။ ဆေးလိပ်သောက်တာ၊ အရက်သောက်တာ၊ အိပ်ရေးပျက်တာ စတာတွေကြောင့် အဆီဖုတွေ ထွက်ပါတယ်။ ဒါအပြင် မိတ်ကပ်လိမ်းပြီး သေချာမဖျက်တာတွေ၊ မျက်နှာအသားအရေကို သေချာဂရုမစိုက်တာ၊ ခေါင်းအုံးစွပ် ပုံမှန်မလဲပေးတာ စတာတွေကြောင့်လည်း အဆီဖုထွက်ပါတယ်။
