ငှက်ပျောသီးစားပြီးရင် အခွံကို လွှင့်ပစ်ကြတာပါပဲ။ တကယ်တော့ ငှက်ပျောသီးအခွံနဲ့ သင့်ရဲ့ အသားအရေပြဿနာတွေကို ဖြေရှင်းလို့ရပါတယ်။ ဒီတော့ ဘယ်လိုအရာတွေကို ဖြေရှင်းလို့ရမလဲ၊ ဘယ်လိုဖြေရှင်းရမလဲဆိုတဲ့ နည်းလမ်းကောင်းတွေကို မျှဝေပေးလိုက်ပါတယ်။

အရေးအကြောင်းပြဿနာ

အရေးအကြောင်းတွေ သက်သာအောင်၊ အရေးအကြောင်းတွေ မြန်မြန်မဖြစ်အောင် ငှက်ပျောသီးအခွံကို ကြိတ်ချေပြီး သံလွင်ဆီ လက်ဖက်ရည်ဇွန်း ၂ ဇွန်းနဲ့ ရောမွှေလိုက်ပါ။ ပြီးရင် အရေးအကြောင်းဖြစ်တဲ့နေရာကို လိမ်းပေးပြီး မိနစ် ၂၀ ထားပါ။ ပြီးမှ ရေကြက်သီးနွေးနဲ့ ပြန်သန့်စင်လိုက်ပါ။ ဒီနည်းလမ်းကိုတော့ တစ်ပတ် ၂ ကြိမ် ပုံမှန်လုပ်ပေးရပါမယ်။

ဆားဝက်ခြံပြဿနာ

ဆားဝက်ခြံပြဿနာတွေကို ဖြေရှင်းဖို့ဆိုရင် ငှက်ပျောသီးအခွံကို ကြိတ်ချေပြီး မုန့်ဖုတ်ဆိုဒါ နည်းနည်းလေးနဲ့ သံပယိုရည် လက်ဖက်ရည်ဇွန်းတစ်ဝက်တို့ကို ရောမွှေပါ။ ပြီးရင် ဆားဝက်ခြံနေရာကို လိမ်းပေးပြီး မိနစ် ၂၀ ထားပါ။ အချိန်ပြည့်ရင် အဝတ်အစိုနဲ့ သုတ်လိုက်ရုံပါပဲ။

ဝက်ခြံပြဿနာ

ဝက်ခြံပြဿနာအတွက်ဆိုရင်တော့ ငှက်ပျောသီးအခွံကို ကြိတ်ချေပြီး လက်ဖက်ရည်ဇွန်း ၂ ဇွန်းစာနဲ့ ပျားရည် လက်ဖက်ရည်ဇွန်းတစ်ဝက်၊ နနွင်းမှုန့် လက်ဖက်ရည်ဇွန်းတစ်ဝက်တို့ကို ရောမွှေလိုက်ပါ။ ပြီးရင်တော့ ဝက်ခြံပေါ်အုံထားပြီး ၁၅ မိနစ်ထားပါ။ အချိန်ပြည့်ရင် ရေနဲ့ပြန်သန့်စင်လိုက်ပါ။ ဒီနည်းလမ်းကိုတော့ တစ်ပတ် ၂ ကြိမ် ပုံမှန်လုပ်ပေးရပါမယ်။

အဆီပြန်တာအတွက်

အဆီပြန်တာ သက်သာဖို့အတွက် ဆိုရင်တော့ ငှက်ပျောသီးအခွံကို ကြိတ်ချေပြီး စားပွဲတင်ဇွန်း ၁ ဇွန်းစာယူပါ။ ပြီးရင် ကြက်ဥကို အနှစ်ဖယ်ပြီး အကာပဲယူကာ လက်ဖက်ရည်ဇွန်း ၂ ဇွန်း ရောထည့်ပေးပါ။ အနံ့ပျောက်အောင် lavender essential oil ၅ စက်ထည့်ကာ မွှေလိုက်ပါ။ ပြီးရင်တော့ မျက်နှာတစ်ပြင်လုံးလိမ်းပြီး မိနစ် ၂၀ ထားပါ။ အချိန်ပြည့်ရင် ရေကြက်သီးနွေးနဲ့ ပြန်သန့်စင်လိုက်ပါ။ တစ်ပတ်တစ်ကြိမ် ပုံမှန်လုပ်ပေးရင် အဆီပြန်တာ သက်သာပါတယ်။