Baking Soda ကိုသုံးပြီး ဂျိုင်းဖြူအောင်လုပ်နိုင်တဲ့ နည်းလမ်းကောင်းများ

ဂျိုင်းမဲတာက Baking Soda နဲ့ ပြန်ဖြူအောင် လုပ်လို့ရပါတယ်။ ချက်ချင်းဖြူလာတာမျိုးတော့ မဟုတ်ပေမယ့် မဲနေတာသက်သာပြီး အသားအရေညီလာစေပါတယ်။ တစ်ဖြေးဖြေးချင်းစီ ပြန်ဖြူလာမှာပါ။ ဒါကြောင့် ကိုယ်အဆင်ပြေတဲ့နည်းလမ်းကိုသုံးပြီး လုပ်လို့ရအောင် Baking Soda ကိုသုံးပြီး ဂျိုင်းဖြူအောင်လုပ်နိုင်တဲ့ နည်းလမ်းကောင်းတွေကို မျှဝေပေးလိုက်ပါတယ်။

Baking Soda နဲ့ ရေ

ပန်းကန်လုံးထဲကို Baking Soda – စားပွဲတင်ဇွန်း ၂ ဇွန်းနဲ့ ရေ – စားပွဲတင်ဇွန်း ၁ ဇွန်းထည့်ပြီး ရောမွှေပါ။ ပြီးရင် ဂျိုင်းမှာလိမ်းပေးပြီး တစ်မိနစ်လောက် လက်ချောင်းလေးတွေနဲ့ Massage လုပ်ပေးပါ။ ပြီးရင်တော့ မိနစ် ၃၀ လောက်ထားပါ။ အချိန်ပြည့်မှ ရေကြက်သီးနွေးနဲ့ သန့်စင်ပေးပါ။

ဒီနည်းလမ်းကိုလုပ်မယ်ဆိုရင်တော့ တစ်ပတ်မှာ ၂ ကြိမ်၊ ၃ ကြိမ်လောက် ပုံမှန်လုပ်ပေးရပါမယ်။

Baking Soda နဲ့ ထောပတ်သီး

Baking Soda – စားပွဲတင်ဇွန်း ၂ ဇွန်းကို ကြိတ်ချေထားတဲ့ ထောပတ်သီး – စားပွဲတင်ဇွန်း ၁ ဇွန်းနဲ့ ရောမွှေပါ။ ပြီးရင် သံပယိုရည်ပါ နည်းနည်းလေးညှစ်ထည့်ပြီး မွှေပေးပါ။ ပြီးရင်တော့ ဂျိုင်းမှာလိမ်းပြီး မိနစ် ၂၀ ထားပါ။ အချိန်ပြည့်ရင်တော့ ရေကြက်သီးနွေးနဲ့ သန့်စင်လိုက်ရုံပါပဲ။

ဒီနည်းလမ်းကိုရွေးလုပ်မယ်ဆိုရင်တော့ တစ်ပတ် ၂ ကြိမ် ပုံမှန်လုပ်ပေးရပါမယ်။

Baking Soda နဲ့ အုန်းဆီ

Baking Soda – စားပွဲတင်ဇွန်း ၁ ဇွန်းကို အုန်းဆီ – အနည်းငယ်ထည့်ပြီး ပျစ်ပျစ်လေးဖြစ်အောင် မွှေလိုက်ပါ။ ပြီးရင် ဂျိုင်းမှာ Circulation Motion နဲ့ ညှင်သာစွာ ပွတ်ပေးပါ။ ပြီးရင်တော့ ၁၅ မိနစ်လောက်ထားပြီး ခြောက်သွားပြီဆိုမှ ရေနဲ့ပြန်သန့်စင်ပါ။

ဒီနည်းလမ်းကိုလုပ်မယ်ဆိုရင် တစ်ပတ်မှာ ၂ ကြိမ်၊ ၃ ကြိမ်လောက် ပုံမှန်လုပ်ပေးပါ။

Baking Soda နဲ့ သံပယိုရည်

Baking Soda – စားပွဲတင်ဇွန်း ၁ ဇွန်းကို ပန်းကန်ထဲထည့်ပြီး သံပယိုရည်တစ်ခြမ်း ညှစ်ထည့်ပါ။ ရေလည်း နည်းနည်းလေးထည့်ပေးပါ။ ပြီးရင်တော့ ပျစ်ပျစ်လေးဖြစ်အောင် မွှေပါ။ မွှေပြီးရင် ဂျိုင်းမှာလိမ်းပြီး မိနစ် ၂၀ ထားပါ။ အချိန်ပြည့်ရင် ရေအေးနဲ့ သန့်စင်ပေးပါ။

ဒီနည်းလမ်းကိုလုပ်မယ်ဆိုရင်လည်း တစ်ပတ်မှာ ၂ ကြိမ်၊ ၃ ကြိမ်လောက် ပုံမှန်လုပ်ပေးရပါမယ်။