ကလေးမွေးပြီးတဲ့အခါမျိုးမှာ၊ ဝိတ်၊ အတက်အကျဖြစ်ပြီးတဲ့အခါမျိုးမှာနဲ့ အသက်အရွယ်ကြီးရင့်လာချိန်တွေမှာ ရင်သားစတွဲလာပါတော့တယ်။ စာရေးသူဟာ လျော့တွဲနေတဲ့ရင်သားတွေကို ပြန်လည်တင်းရင်းဖို့အတွက်နဲ့ နို့သီးခေါင်းပန်းရောင်တစ်ဖန်ပြန်သန်းနိုင်ဖို့အတွက် အင်တာနက်ကနေရော စာစောင်တွေကနေရော နှစ်ချီလေ့လာပြီး စမ်းလုပ်ကြည့်ခဲ့ဖူးပါတယ်။
အဲဒီထဲကမှ အကောင်းဆုံးနဲ့ အထိရောက်အလျင်မြန်ဆုံးနည်းလမ်းတွေကို Mystyle Myanmar ပျိုမေတို့အတွက် ပြန်လည်ဝေမျှပေးချင်ပါတယ်။
၁။ လေ့ကျင့်ခန်း
Source: gaurani.almightywind.info
အိပ်ယာပေါ်မှာ (သို့) ကြမ်းပြင်ပေါ်မှာ ပက်လက်အနေအထားနဲ့ လှဲချလိုက်ပါ။
ပြီးရင်တော့ လက်တစ်ဖက်ဆီမှာ (၅) ပေါင်အဆလးချိန်ရှိတဲ့ ဝိတ်တုံးတွေကို ရင်ဘတ်နဲ့ တည့်တည့်မြှောက်ကိုင်လိုက်ပြီး အဲဒီအတည့်အတိုင်း ရင်ဘတ်နားပြန်ဆွဲချပါ။
ပြန်မြှောက်လိုက် ပြန်ချလိုက်ဖြင့် ဒီလေ့ကျင့်ခန်းကို တစ်ကြိမ်လုပ် (၁၀) ခါနဲ့ နေ့စဉ် (၅) ခါလောက်ပြုလုပ်ပေးပါ။
၂။ နိပ်နယ်ပေးခြင်း
Source: brightside.me
ပထမဦးဆုံးအနေနဲ့ အိပ်ယာပေါ်မှာအရင်လှဲချပြီး ကျောနောက်မှာ ခေါင်းအုံးခံလိုက်ပါ။
ပြီးရင်တော့ သံလွင်ဆီကို လက်ဖဝါးနှစ်ဖက်မှာပွတ်ပြီး ရင်သားတွေပေါ်စက်ဝိုင်းပုံအတိုင်း (၁၀) မိနစ်လောက် နှိပ်နယ်ပြီး လိမ်းပေးပါ။
ဒီနည်းလမ်းလေးကိုတော့ တစ်ပတ်ကို (၃) ကြိမ်လောက် ပုံမှန်လုပ်ပေးသင့်ပါတယ်။
၃။ Mask
Source: YouTube
မျက်နှာကပ်တဲ့ Mask တွေလိုပဲ ရင်သားအတွက် Mask တွေလည်းရှိနေပြီမို့ ကြိုက်နှစ်သက်ရာတံဆိပ်ကို ရွေးချယ်ဝယ်ယူပြီး အသုံးပြုပေးနိုင်ပါတယ်။
Featured image source: brightside.me
